మెగా డాన్ కు హీరో దొరికాడా?

అదేంటి మెగా హీరో కదా అనాలి మెగా డాన్ కు హీరో దొరకడం ఏంటి అని ఆశ్చర్యపోకండి. మ్యాటర్ వేరే ఉంది. వరుణ్ తేజ్ టైటిల్ రోల్ లో తమిళ్ బ్లాక్ బస్టర్ మూవీ జిగర్ తండ రీమేక్ గా తెలుగులో హరీష్ శంకర్ రూపొందిస్తున్న వాల్మీకి షూటింగ్ ఇటీవలే మొదలైన సంగతి తెలిసిందే. నిజానికి ఇందులో హీరో విలన్ పాత్రలు రెండూ సమానంగా ఉంటాయి. ప్రాధాన్యత క్రమంలో ఒకటి ఎక్కువ మరొకటి తక్కువ అనేలా ఉండవు. అందుకే కొన్ని నెగటివ్ షేడ్స్ ఉన్నప్పటికి వరుణ్ ఏరికోరి మరీ ప్రతినాయకుడి పాత్రను ఎంచుకున్నాడు. ఇందులో తనది డాన్ పాత్ర.

హీరోగా కనిపించే మరో ఫిలిం మేకర్ రోల్ ఒకటి ఉంది. దానికి శ్రీవిష్ణు అని అనుకుంటున్నట్టు టాక్. ఇది అధికారికంగా ప్రకటించలేదు కాని సీరియస్ గా టీం మధ్య చర్చలు జరుగుతున్నాయని తెలిసింది. ఇప్పటి దాకా ఈ విషయంలో సస్పెన్స్ కొనసాగుతూనే ఉంది. ముందు ఒరిజినల్ లో చేసిన సిద్దార్థ్ పేరు వినిపించింది కాని తనకు ఆసక్తి లేదని రిపోర్ట్.

అయితే శ్రీవిష్ణు రైట్ ఛాయస్ అని చెప్పొచ్చు. ఇమేజ్ పరంగా వరుణ్ పైనుంటాడు కాబట్టి అప్ కమింగ్ స్టేజి లో ఉన్న శ్రీవిష్ణుకి మంచి స్కోప్ తో నిలదోక్కుకునే అవకాశం దక్కుతుంది. అయితే శ్రీవిష్ణు ఓకే చెబుతాడా లేదా అని తెలియడానికి కొంత టైం పట్టొచ్చు. వాల్మీకి టైటిల్ ఇప్పటికీ ఆసక్తి రేపగా దాని మీద సామజిక వర్గం ప్రాతిపదికన చిన్నపాటి వివాదాలు కూడా మొదలయ్యాయి. త్వరలోనే రెగ్యులర్ షూటింగ్ జరుపుకోబోతున్న వాల్మీకిని దసరా లేదా దీపావళి రిలీజ్ కు ప్లాన్ చేస్తున్నట్టు వినికిడి