Begin typing your search above and press return to search.

ఒక్క హీరో- ఐదుమంది హీరోయిన్లు

By:  Tupaki Desk   |   3 Dec 2018 6:41 AM
ఒక్క హీరో- ఐదుమంది హీరోయిన్లు
X
టాలెంటెడ్ హీరో శ్రీవిష్ణు యంగ్ డైరెక్టర్ పవన్ సాదినేని దర్శకత్వంలో నటించేందుకు ఈమధ్యనే గ్రీన్ సిగ్నల్ ఇచ్చాడు. 'ప్రేమ ఇష్క్ కాదల్' చిత్రం ద్వారా దర్శకుడిగా టాలీవుడ్ ఎంట్రీ ఇచ్చిన పవన్ ఒక ఇంట్రెస్టింగ్ స్టొరీ తో శ్రీవిష్ణును మెప్పించాడట. పవన్ మొదటి సినిమా 'ప్రేమ ఇష్క్ కాదల్' లో శ్రీవిష్ణు ఒక హీరోగా నటించిన విషయం తెలిసిందే.

జయాపజయాలతో సంబంధం లేకుండా శ్రీవిష్ణు విభిన్నమైన కథలను ఎంచుకుంటాడనే పేరు ఉంది. దానికి తగ్గట్టే ఈ సినిమాకూడా అదే ట్రెండ్ లో ఉన్నట్టుంది. ఈ సినిమాలో శ్రీవిష్ణు ఐదుమంది హీరోయిన్లతో రొమాన్స్ చేస్తాడట. ఐదు మంది హీరోయిన్లు అంటేనే ఏదో డిఫరెంట్ స్టొరీ ఎంచుకున్నారనే అనిపిస్తోంది కదా. ఈ సినిమా రెగ్యులర్ షూటింగ్ షూటింగ్ ఫిబ్రవరి నుండి మొదలు పెడతారట. కథ ప్రకారం ఈ సినిమాలోని మెజారిటీభాగం అమెరికాలో చిత్రీకరణ జరుపుతారట. త్వరలో ఈ సినిమాకు సంబంధించిన ఇతర వివరాలు.. ఐదుమంది యంగ్ హీరోయిన్ల పేర్లు వెల్లడవుతాయి.

డైరెక్టర్ పవన్ సాదినేని ఈ సినిమా ఫైనలైజ్ చేసుకోక ముందు నందమూరి హరికృష్ణ - కళ్యాణ్ రామ్ కాంబినేషన్లో ఒక సినిమాను తెరకెక్కించేందుకు సన్నాహాలు చేసుకున్నాడట. సెట్స్ మీదకు వెళ్ళే దశలో హరికృష్ణ గారు స్వర్గస్తులు కావడంతో ఆ ప్రాజెక్టును పక్కన బెట్టాల్సివచ్చింది.