బ‌న్ని కోసం క‌ల‌లుగంటున్న యంగ్ బ్యూటీ

టాలీవుడ్ యువ‌నాయిక‌ల్లో వ‌రుస అవ‌కాశాల‌తో స్పీడ్ మీద ఉంది శ్రీలీల‌. పెళ్లి సంద‌D త‌రవాత ధ‌మాకా లో మాస్ మ‌హారాజా ర‌వితేజ స‌ర‌స‌న అవ‌కాశం అందుకుంది. అగ్ర హీరో స‌ర‌స‌న తొలి బొనాంజా ఆఫ‌ర్ ఇది. ఇప్పుడు మెల్లిగా మ‌రో క్రేజీ ఛాన్స్ త‌న గుప్పిట్లో పెట్టుకుంది ఈ భామ‌.

త‌దుప‌రి ఐకాన్ స్టార్ అల్లు అర్జున్ తో క‌లిసి న‌టించే అవ‌కాశం ద‌క్కించుకుంద‌నేది ఫిలింవ‌ర్గాల భోగొట్టా.

వివరాల్లోకి వెళితే.. న‌టించిన తొలి సినిమాతోనే ఎన‌ర్జిటిక్ డ్యాన్స‌ర్ గా హాట్ బ్యూటీగా కుర్ర‌కారు గుండెల్లో నిదురించింది శ్రీ‌లీల‌. ఆ త‌ర్వాత ఈ భామ‌ పేరు టాలీవుడ్ స‌ర్కిల్స్ లో మార్మోగింది. త‌దుప‌రి వెంట‌నే మాస్ మ‌హారాజ్ పిలిచి మ‌రీ ధ‌మాకాలో ఆఫ‌ర్ ఇచ్చారు. అలాగే పాన్ ఇండియా స్టార్ బ‌న్నితో క‌లిసి త్రివిక్రమ్ దర్శకత్వంలో ఒక వాణిజ్య ప్రకటన లో క‌నిపించనుంద‌ని తెలిసింది.

పాపుల‌ర్ తెలుగు ఓటీటీ ఆహా కోసం ప్ర‌క‌ట‌న ఇది. త్వరలో ఆన్ లైన్ లో విడుదల కానున్న ఈ వాణిజ్య ప్రకటనకు ప్రముఖ సినిమాటోగ్రాఫర్ రవి కె చంద్రన్ కెమెరాను అందించారు. ప్ర‌క‌ట‌న‌లో శ్రీ‌లీల క‌వ్వింత యూత్ కి గుబులు పుట్టిస్తుంద‌ట‌. ఇక ఈ ప‌రిచ‌యంతో బ‌న్ని స‌ర‌స‌న ఓ ఆఫ‌ర్ కొట్టేయాల‌ని యంగ్ బ్యూటీ క‌ల‌లు గంటోందని కూడా గుస‌గుస వినిపిస్తోంది.

పుష్ప: ది రైజ్ 2023 మోస్ట్ అవైటెడ్ మూవీగా జాబితాలో ఉంది. పుష్ప‌1తో ఘ‌న‌విజ‌యం అందుకున్న బ‌న్ని సుదీర్ఘ గ్యాప్ త‌ర్వాత పుష్ప‌2 సెట్స్‌లో జాయిన్ అవుతున్నాడు. సుకుమార్ దర్శకత్వంలో ఈ చిత్రం తెర‌కెక్క‌నుంది.

రష్మిక మందన్న క‌థానాయిక కాగా ఫ‌హద్ ఫాజిల్- అన‌సూయ‌- సునీల్ త‌దిత‌రులు న‌టిస్తున్నారు. దేవి శ్రీ ప్రసాద్ సంగీతం అందిస్తున్నారు. ఈ చిత్రం కోసం మునుపెన్న‌డూ క‌నీవినీ ఎరుగ‌నంత భారీ బ‌డ్జెట్ ని కేటాయించి బ‌న్నీని లార్జ‌ర్ దేన్ లైఫ్ పాత్ర‌లో చూపిస్తార‌ని కూడా గుస‌గుస‌లు వివిపిస్తున్నాయి.