మంత్ర‌క‌న్య‌లా మాయా మ‌శ్చీంద్ర‌లా ఎవ‌రీ భామ‌?

మంత్ర క‌న్యలా మాయా మశ్చీంద్ర‌లా రోజుకో వేషం వేయ‌నిదే గ్లామ‌ర్ రంగంలో పోటీని త‌ట్టుకోవ‌డం క‌ష్టం. చూస్తుంటే అందాల యాంక‌ర్ శ్రీ‌ముఖి అలాంటి విద్య‌లేవో క‌నిపెట్టిన‌ట్టుగానే క‌నిపిస్తోంది. ప్ర‌తిసారీ ఏదో ఒక కొత్త‌ద‌నం ఫోటోషూట్ల‌లో క‌నిపించ‌క‌పోతే ఎలా? అందుకే ఇలా డిఫ‌రెంటుగా ట్రై చేసింది.

ఏదేమైనా లేటెస్ట్ ఫోటోషూట్ యూత్ కి బాగా క‌నెక్ట‌యిపోయింది. శ్రీ‌ముఖినా మ‌జాకానా? అంటూ ఈ క్రియేటివ్ ఫోటోషూట్ కి కితాబిచ్చేస్తోంది యూత్. నిజానికి బుల్లితెర షోల్లో టూమ‌చ్ బ‌బ్లీగా క‌నిపిస్తున్న ఈ బ్యూటీ.. అదేమీ క‌నిపించ‌కుండా క‌వ‌ర్ చేయ‌డంలో బాగానే ట్యాలెంట్ చూపించిందన్న కితాబు అందుకుంటోంది.

ఫోటోషూట్ మాయాజాలంతో సూటిగా క‌నెక్ట‌య్యింది ఈ బ్యూటీ. సూదంటు చూపుల‌తో గుండెల్ని గిచ్చేస్తున్న శ్రీ‌ముఖి రూపం బోయ్స్ ని స‌మ్మోహ‌నంలోకి దించేస్తోంది. బ్లాక్ ఇన్న‌ర్ ధ‌రించి ఆపై బ్యాక్ గ్రౌండ్ క‌ల‌ర్ లో మిక్స్ అయిపోయే తెల్ల‌ని దుప‌ట్టాని మ్యాజిక‌ల్ గా ఫోటోషూట్ లోకి తేవ‌డం ఆస‌క్తిని క‌లిగిస్తోంది.

బుల్లితెర‌పై ఫ్రీల్యాన్స్ చేస్తున్న శ్రీ‌ముఖి కి బోలెడంత ఫాలోయింగ్ ఉంది. యువ‌ర్ రాముల‌మ్మ అంటూ శ్రీ‌ముఖి ట్విట్ట‌ర్ లో చేసే హంగామా అంతా ఇంతా కాదు. మ‌రోవైపు వెండితెర అవ‌కాశాలు త‌న‌కు ఉన్నాయి. ఇంత‌కుముందు బాబు బాగా బిజీ చిత్రంలో శ్రీ‌ముఖి న‌టించారు. ఆ త‌ర్వాత క్రేజీ అంకుల్స్ (2021) అనే చిత్రంలోనూ న‌టిస్తున్న సంగ‌తి తెలిసిందే. ఈ మూవీకి సంబంధించిన తాజా అప్ డేట్ తెలియాల్సి ఉంది.