డ్యాన్సులకూ బాగానే ముట్టిందట!!

బడా ఫంక్షన్స్ లోనూ.. భారీ స్థాయిలో జరిగే పెళ్లిళ్లలోనూ సెలబ్రిటీలు స్టార్లతో డ్యాన్సులు చేయించడం.. కొన్నేళ్ల నుంచి నడుస్తున్న ట్రెండ్. తాజాగా టీ సుబ్బిరామిరెడ్డి మనవడు కేశవ్ పెళ్లి వేడుకలు అత్యంత గ్రాండ్ రేంజ్ లోనే జరిగాయి. టాలీవుడ్.. బాలీవుడ్ సెలబ్రిటీలు బోలెడంత మంది ఈ కార్యక్రమానికి హాజరయ్యారు.ఈ ఈవెంట్ లో అందరికంటే ఎనర్జిటిక్ గా కనిపించిన హీరో రణవీర్ సింగ్. కొన్ని గంటల పాటు డ్యాన్స్ ఫ్లోర్ పై అదరగొట్టేశాడు. దాదాపు స్టేజ్ మీదకొచ్చిన అందరితోనూ చిందులు వేశాడు.

రానివాళ్లను తీసుకొచ్చి మరీ నాలుగు స్టెప్పులు వేయించాడు. ఇదంతా చేయడానికి అతగాడికి 5 కోట్ల మొత్తం ముట్టిందని టాక్. అయితే.. ఈ ఫంక్షన్ లో మాజీ హీరోయిన్ అందాల తార శ్రీదేవి కూడా పలుమార్లు డ్యాన్స్ ఫ్లోర్ పై కనిపించింది. మధ్యమధ్యలో డ్రెసింగ్ ఛేంజ్ చేస్తూ కూడా ఆశ్చర్యపరిచింది. శ్రీదేవి ఒకట్రెండు సార్లు డ్యాన్స్ చేస్తే పెద్దగా పట్టించుకునేవాళ్లు కాదు కానీ.. సంగీత్ ఎపిసోడ్ మొత్తంలో చాలాసార్లే స్టేజ్ పైకి వచ్చి డ్యాన్స్ చేసిందట శ్రీదేవి.

53 సంవత్సరాల వయసులో ఇంతగా ఓ పెళ్లి ఫంక్షన్ లో శ్రీదేవి డ్యాన్స్ చేయడానికి కారణం.. ఆమెకు కూడా భారీ మొత్తంలో పారితోషికం ముట్టడమే అని తెలుస్తోంది. ఈ వయసులో కూడా ఫంక్షన్లలో డ్యాన్సులు వేస్తూ డబ్బులు చేసుకుంటోందంటే.. శ్రీదేవి ఏ రేంజ్ లో కమర్షియల్ పర్సనో అర్ధమవుతోందంటున్నారు సినీ జనాలు.

Like Us on Facebook : https://www.facebook.com/Tupakidotcom/