నీ సైజ్‌ కూడా తెలుసు.. శ్రీరెడ్డి మళ్లీ సంచలనం

టాలీవుడ్‌ ప్రముఖులపై సంచలన ఆరోపణలు చేసి, ఒక రేంజ్‌ లో కుదుపు కుదిపేసిన శ్రీరెడ్డి ప్రస్తుతం తమిళ సినిమాల్లో నటిస్తూ, చెన్నైలో ఉంటున్న విషయం తెల్సిందే. సినిమాల్లో నటిస్తూ కూడా సమయం చిక్కినప్పుడు సంచలన వ్యాఖ్యలు చేస్తూనే ఉంది. ఒక వైపు టాలీవుడ్‌ మరోవైపు కోలీవుడ్‌ ఇలా అందరిని షేక్‌ చేస్తున్న శ్రీరెడ్డి తాజాగా మరో పెద్ద తలకాయపై సంచలన వ్యాఖ్యలు చేసింది. నేరుగా పేరు చెప్పకుండా, అందరికి అర్థం అయ్యేలా శ్రీరెడ్డి ఒక వ్యక్తిని టార్గెట్‌ చేసి సంచలన వ్యాఖ్యలు చేస్తూ సోషల్‌ మీడియాలో పోస్ట్‌ చేసింది.

శ్రీరెడ్డి ఫేస్‌ బుక్‌ లో.. నడిగర్‌ సంఘం - తమిళ ప్రొడ్యూసర్స్‌ కౌన్సిల్‌ లో కీలక బాధ్యతలు నిర్వహిస్తున్న నీవు హీరోయిన్స్‌ తో పాటు సైడ్‌ యాక్టర్స్‌ ను కూడా ఎంతగా వేదిస్తావో నాకు తెలుసు. మీడియా ముందు మిస్టర్‌ పర్‌ ఫెక్ట్‌ గా మాట్లాడే నీవు ఎలాంటి వాడివో త్వరలోనే నిరూపిస్తాను. నువ్వు ఈరోజు మీడియా ముందు మాట్లాడిన మాటలు వింటే నువ్వు ఎంత ఫేక్‌ పర్ఫెక్ట్‌ అనే విషయం అర్థం అయ్యింది. నీవు వేసుకునే సైజు - నీ కలర్‌ అన్ని నాకు తెలుసు. మీడియా ముందు - కోర్టు ముందు నీ భాగోతంను పక్కా ఆధారాలతో బయట పెడతాను.

నువ్వు ఎంతో మంది ఆడవారి జీవితాలను నాశనం చేశావు. వారిని బలవంతంగా వాడుకుని, ఆ తర్వాత వారికి డబ్బులు ఇస్తావు. అందుకు సంబంధించిన ఆధారాలు నావద్ద ఉన్నాయి. ఇండస్ట్రీలో నువ్వు ఒక రూలర్‌ లా వ్యవహరిస్తున్నారు. చిన్న నిర్మాతలను తొక్కేస్తూ, నిర్మాతల వద్ద ఎంత భారీగా వసూళ్లు చేస్తున్నావో నాకు కొందరు చెబితే తెలిసింది. నువ్వో పెద్ద బ్లాక్‌ మెయిలర్‌ వి. నీ జీవితానికి కౌంట్‌ డౌన్‌ స్టార్ట్‌ అయ్యింది. నిర్మాతల మండలిలో నీ అధికారాలను దుర్వినియోగం చేసి బాగా డబ్బు సంపాదించావు.

ఇండస్ట్రీ వారి ఆగ్రహం కట్టలు తెంచుకుంటే మాత్రం నువ్వు కనిపించకుండా పోతావు. ఎమ్మెల్యే సీటు - హీరో క్రేజ్‌ - నిర్మాత హోదా అన్నీ కూడా కొట్టుకు పోయే రోజు వస్తుందని శ్రీరెడ్డి పేర్కొంది. శ్రీరెడ్డి ఇంతగా రెచ్చి పోయి వ్యాఖ్యలు చేసిన హీరో తెలుగులో కూడా గుర్తింపు ఉన్న హీరో. ఆయన పై శ్రీరెడ్డికి ఉన్నట్లుండి ఇంతగా కోపం వచ్చిందో మరి. నిజంగానే శ్రీరెడ్డి అన్నట్లుగా ఆ హీరోపై చేసిన ఆరోపణలను నిరూపించనుందా చూడాలి. శ్రీరెడ్డి అదే చేస్తే తమిళ సినీ పరిశ్రమలో పెద్ద సంచలనం కావడం ఖాయం.