శ్రీరెడ్డి కొత్త బిజినెస్‌.. పలుకుబడే పెట్టుబడి

మా లో సభ్యత్వం ఇవ్వలేదంటూ.. కాస్టింగ్‌ కౌచ్‌ అంటూ వివాదాన్ని మొదలు పెట్టి ఎక్కడి నుండో ఎక్కడికో ఆ వివాదాలను తీసుకు వెళ్లిన ముద్దు గుమ్మ శ్రీ రెడ్డి. తెలుగు ప్రేక్షకులు ముఖ్యంగా సినీ జనాలు ఈమెను అంత త్వరగా మర్చి పోలేరు. ప్రస్తుతం ఈమె హైదరాబాద్‌ లో లేకున్నా కూడా ఈమె గురించిన ప్రతి విషయాన్ని కూడా తెలుగు నెటిజన్స్‌ తెలుసుకునేందుకు ఆసక్తి చూపిస్తూనే ఉంటారు. సోషల్‌ మీడియాలో ఈమెను ఫాలో అయ్యే వారు లక్షల్లో ఉన్నారు.

ఇక ఈమె కొన్ని నెలల క్రితం యూట్యూబ్‌ చానెల్‌ ను ప్రారంభించిన విషయం తెల్సిందే. ఆ ఛానెల్‌ లో మొదట తన ఇంటర్వ్యూలు.. ఇంకా కొన్ని బూతులు మాత్రమే పెడుతూ వచ్చింది. దాంతో ఆ యూట్యూబ్‌ ఛానెల్‌ ను జనాలు లైట్‌ తీసుకున్నారు. అన్నీ బూతులే ఉంటాయి లే అనుకున్నారు. కాని ఇటీవల ఆ యూట్యూబ్‌ ఛానెల్‌ ను లక్షల మంది చూస్తున్నారు. శ్రీరెడ్డి కొత్త వీడియోలు చూస్తుంటే అందరికి నోట్లో నీళ్లు ఊరుతున్నాయి.

ఇంతకు శ్రీరెడ్డి కొత్త వీడియోలు ఏంటో తెలుసా... వంటలకు సంబంధించిన వీడియోలను శ్రీరెడ్డి ఇటీవల తరుచుగా పోస్ట్‌ చేస్తుంది. ఎక్కువగా ఆరు బయట.. తోటల్లో వంటలు చేసి వీడియోలు పోస్ట్‌ చేస్తుంది. శ్రీ రెడ్డి చేస్తున్న వంటలు ప్రస్తుతం సోషల్‌ మీడియాలో వైరల్‌ అవుతున్నాయి. లక్షల మంది ఆమె వంటలు చూస్తున్నారు. చికెన్‌ కూర వంటకాన్ని ఏకంగా మిలియన్‌ మంది చూశారు. శ్రీరెడ్డి చేస్తున్న వంటల వీడియోలకు మంచి రెస్పాన్స్‌ వస్తుంది. మిలియన్‌ వ్యూస్‌ రావడంతో పాటు డబ్బులు కూడా భారీగా వస్తుండటంతో ఆమె మరిన్ని వంటల వీడియోలను మరియు తన లైఫ్‌ స్టైల్‌ వీడియోలను పోస్ట్‌ చేసేందుకు సిద్దం అయ్యింది.

ఈమద్య కాలంలో వివాదాలకు దూరంగా ఉంటూ ఇలాంటి వీడియోలు చేసుకుంటూ శ్రీరెడ్డి డబ్బులు సంపాదించడం నిజంగా మంచి పరిణామం అంటూ కొందరు అంటుంటే మరికొందరు మాత్రం శ్రీ రెడ్డి సైలెంట్‌ గా ఉంటే బోర్‌ కొడుతుందని కామెంట్స్‌ చేస్తున్నారు.