ప్రేక్షకుల కంటే ముందు అభిమాన హీరో వద్దకు రాజరాజచోర

ట్యాలెంటెడ్‌ హీరో శ్రీ విష్ణు రేపు 'రాజరాజ చోర' సినిమాతో ప్రేక్షకుల ముందుకు వచ్చేందుకు సిద్దం అయ్యాడు. ఈ సినిమా చాలా రోజులుగా కరోనా కారణంగా వాయిదా పడుతూ వచ్చింది. ఎట్టకేలకు సినిమా థియేటర్లు తెరచుకుని జనాలు థియేటర్లకు క్యూ కడుతున్న నేపథ్యంలో విడుదలకు సిద్దం చేశారు. ఈ సినిమా ప్రమోషన్ కార్యక్రమాలు జోరుగా సాగుతున్నాయి. ఇటీవలే ఈ సినిమా ప్రీ రిలీజ్ కార్యక్రమం నిర్వహించారు. ఆ సమయంలో చిత్రం పై యూనిట్‌ సభ్యులు చాలా నమ్మకంను వ్యక్తం చేశారు. ఇక తాజాగా హీరో శ్రీ విష్ణు తన అభిమాన హీరో ను కలిసి ఆశీర్వాదం తీసుకున్నాడు.

తెలుగు ప్రేక్షకులు రేపు ఆశీర్వదించడానికి ముందే అభిమాన హీరో వెంకటేష్‌ గారిని కలిసి ఆశీర్వాదం తీసుకోవడం చాలా సంతోషంగా ఉంది. ఈ సినిమా తప్పకుండా ప్రతి ఒక్కరిని ఆకట్టుకునే విధంగా ఉంటుందనే నమ్మకంను శ్రీ విష్ణు వ్యక్తం చేశాడు. థియేటర్లకు ఫ్యామిలీస్ తో వచ్చి సినిమాను చూస్తారని ఆశిస్తున్నాను. ప్రతి ఒక్కరి హృదయాలను తాకే విధంగా సినిమా ఉంటుందని.. సినిమా కోసం ప్రతి ఒక్కరు చాలా కష్టపడ్డారు. కరోనా టెన్షన్ లతో ఉన్న వారికి మా సినిమా తప్పకుండా రిలాక్స్‌ ను ఇస్తుందనే నమ్మకం ఉందంటూ యూనిట్‌ సభ్యులు చెబుతున్నారు.

సెకండ్‌ వేవ్‌ తర్వాత బ్యాక్ టు బ్యాక్ సినిమాలు వస్తున్నాయి. మొదటి వారం కాస్త జనాలు పల్చగా కనిపించినా ఆ తర్వాత నుండి వరుసగా సినిమా థియేటర్లలో జనాలు క్యూ కడుతూనే ఉన్నారు. పెద్ద ఎత్తున జనాలు వస్తున్న నేపథ్యంలో థియేటర్లు మునుపటి మాదిరిగా కళకలాడుతున్నాయి. గత వారాల్లో వచ్చిన సినిమాలకు వచ్చి వసూళ్లు ఆ విషయాన్ని చెప్పకనే చెబుతున్నాయి. ఈ సినిమా కూడా తప్పకుండా ప్రేక్షకులను అలరించే విధంగా ఉంటుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు.