శ్రీ విష్ణు మీసం తిప్పుతాడా ?

ఏ సినిమాకైనా కలెక్షన్స్ మెండుగా రావాలంటే కచ్చితంగా బీసీ సెంటర్స్ లో బాగా ఆడాలి. అప్పుడే సినిమా కలక్షన్స్ పరంగా బాక్సాఫీస్ దగ్గర సూపర్ హిట్ , బ్లాక్ బస్టర్ అనిపించుకుంటుంది. స్టార్ హీరోల నుండి యంగ్ హీరోల వరకూ అందరికీ బీసీ ఆడియన్సే టార్గెట్. అయితే ఇప్పుడు శ్రీ విష్ణు బీసీ ఆడియన్స్ ను టార్గెట్ చేసాడు.తిప్పారా మీసంతో వారికి దగ్గరై మంచి కలెక్షన్స్ రాబట్టాలని చూస్తున్నాడు.

ఇప్పటి వరకూ శ్రీ విష్ణు హీరోగా నటించిన సినిమాలన్నీ క్లాస్ ఆడియన్స్ మెప్పు మాత్రమే పొందాయి. మిగతా వాటితో పొలిస్తే 'బ్రోచేవారేవారురా' బీసీ సెంటర్స్ లో కాస్త పరవాలేదనిపించుకుంది. అందుకే ఈసారి మాస్ ఎలిమెంట్స్ తో 'తిప్పరా మీసం' చేసాడు. సినిమా మదర్ ఎమోషన్ మీద తెరకెక్కినప్పటికీ కమర్షియల్ ఎలిమెంట్స్ తో మాస్ ఆడియన్స్ ను ఎట్రాక్ట్ చేసే సన్నివేశాలు రాసుకున్నారట. ఇటీవలే శ్రీ విష్ణు కూడా ఈ సినిమాతో బీసీ ఆడియన్స్ కి దగ్గరవుతానని అన్నాడు. సినిమా ఈరోజే థియేటర్స్ లోకి వచ్చింది. మరి ఈ క్లాస్ హీరో మాస్ ఆడియన్స్ ని కూడా మెప్పించి మీసం తిప్పుతాడా ? చూడాలి.