అక్కా చెల్లెళ్లలో ముందుగా టాలీవుడ్ కొచ్చేదెవ‌రు?

గ‌త కొంత‌కాలంగా అక్కా చెల్లెళ్ల (క‌పూర్ సిస్ట‌ర్స్) వైబ్స్ ప్ర‌పంచ‌వ్యాప్తంగా విస్త‌రిస్తున్నాయి. ఓ వైపు జాన్వీ క‌పూర్ స్టార్ హీరోయిన్ స్టాట‌స్ ని అందుకుని వ‌రుస సినిమాల‌తో బిజీ అయిపోయింది. ఈలోగానే ఖుషీ క‌పూర్ బ‌రిలో దిగుతోంది. బోనీ క‌పూర్ ఇప్ప‌టికే చిన్న కూతురు ఖుషీ కోసం ప్ర‌ముఖ ద‌ర్శ‌క‌నిర్మాత‌ల్ని క్యూలో ఉంచ‌డంతో స‌ర్వ‌త్రా ఉత్కంఠ నెల‌కొంది.

ఓవైపు న్యూయార్స్ వెళ్లి త‌న న‌ట‌శిక్ష‌ణ‌ను పూర్తి చేసిన ఖుషీ క‌పూర్ బాలీవుడ్ లో స‌త్తా చాటాల‌ని ఉవ్విళ్లూరుతోంది. ఇక ఇదే సమ‌యంలో జాన్వీ క‌పూర్ టాలీవుడ్ డెబ్యూ గురించి ఆస‌క్తిక‌ర చ‌ర్చ సాగుతోంది. జాన్వీ తొంద‌ర్లోనే మ‌హేష్ స‌ర‌స‌న టాలీవుడ్ లో అడుగు పెట్ట‌బోతోందంటూ క‌థ‌నాలు ఊపందుకున్నాయి. ఓ అగ్ర బ్యాన‌ర్ జాన్వీని తెలుగు చిత్ర‌సీమ‌కు ప‌రిచ‌యం చేసేందుకు ఉవ్విళ్లూరుతోంద‌ని ప్ర‌చార‌మ‌వుతోంది.

మ‌రోవైపు బోనీ క‌పూర్ త‌న కుమార్తెలను అన్ని భాష‌ల్లోనూ పాపుల‌ర్ చేసేందుకు చేయ‌ని ప్ర‌య‌త్నం లేదు. ఇటీవ‌ల అత‌డు కోలీవుడ్ టాలీవుడ్ పైనా పూర్తి స్థాయిలో దృష్టి సారించి సినిమాలు నిర్మించ‌డం వెన‌క మ‌త‌ల‌బు కూడా వేరే ఉందిట‌. అటు నార్త్ తో పాటు ఇటు సౌత్ లోనూ త‌న కుమార్తెలిద్ద‌రినీ పెద్ద స్టార్లు గా మ‌ల‌చ‌డ‌మే బోనీ ధ్యేయం. అందుకే అక్క‌డా ఇక్క‌డా స్టార్ హీరోలు స్టార్ డైరెక్ట‌ర్లు పెద్ద హీరోలు నిర్మాత‌ల‌తో ట‌చ్ లో ఉన్నారు. వ‌రుస‌గా రీమేక్ చిత్రాల్ని తెర‌కెక్కిస్తున్నారు. ప్ర‌స్తుతం బోనీకి అంతా క‌లిసొచ్చే కాల‌మే. కుమార్తెలిద్ద‌రూ స్టార్లు గా ఎదిగేస్తే చూడాల‌న్న డ్రీమ్ ని నెర‌వేర్చుకుంటున్నారు. ఇక అక్కా చెల్లెళ్లిద్ద‌రిలో ఎవ‌రు ముందుగా టాలీవుడ్ లో అడుగుపెడ‌తారు? అన్న‌ది కూడా అభిమానుల్లో ఆస‌క్తిని క‌లిగిస్తోంది. జాన్వీ వ‌చ్చాక ఖుషీ వ‌స్తుందా? అన్న‌ది కూడా వేచి చూడాలి.