ఎన్టీఆర్ మూవీ కోసం శ్రీదేవి??

2016ను జూనియర్ ఎన్టీఆర్ ఘనంగా ముగించాడు. నాన్నకు ప్రేమతో.. జనతా గ్యారేజ్ ల రూపంలో భారీ హిట్స్ సాధించగలిగాడు. తర్వాత చేయబోయే ప్రాజెక్టు కోసం కూడా చాలానే జాగ్రత్తలు తీసుకుంటున్నాడు యంగ్ టైగర్. బాబీ దర్శకత్వంలో రూపొందబోయే ఈ చిత్రానికి పాత్రధారుల ఎంపిక జరుగుతోంది.

ఎన్టీఆర్-బాబీల కాంబినేషన్ లో రూపొందే ఈ సినిమాలో ఓ కీలక పాత్ర ఉంటుందట. మూవీకి ఎంతో ప్రధానమైన పాత్రను సీనియర్ నటీమణితో చేయించాలని భావిస్తున్నాడట ఎన్టీఆర్. ఈ రోల్ కోసం శ్రీదేవిని అడుగుతున్నారనే రూమర్ వినిపిస్తోంది. ఇప్పటికే దర్శకుడు బాబీ ముంబై వెళ్లి ఓసారి శ్రీదేవిని కలిశాడట కూడా. ఆ పాత్ర గురించి.. ప్రాధాన్యత గురించి వివరించాడనే టాక్ వినిపిస్తోంది. శ్రీదేవి గ్రీన్ సిగ్నల్ ఇచ్చిందా లేదా అనే విషయంపై మాత్రం ఎలాంటి స్పష్టత లేదు.

రీ ఎంట్రీ తర్వాత దక్షిణాదిలో ఒకే ఒక సినిమా చేసింది. కోలీవుడ్ హీరో విజయ్ మూవీ పులిలో కీలక పాత్ర చేసినా.. ఆ మూవీ ఫ్లాప్ అయింది. తెలుగులోకి రీఎంట్రీ ఇవ్వడం విషయంలో కూడా శ్రీదేవి ఇంకా ఎటువంటి నిర్ణయం తీసుకోలేదట. అయితే.. ఎన్టీఆర్ త్రిపాత్రాభినయం చేయనున్న ఈ మూవీ కోసం నిజంగానే శ్రీదేవిని అప్రోచ్ అయ్యారా.. ఆమె టాలీవుడ్ రీఎంట్రీ ఖాయమైందా లేదా అనే విషయం ఇంకా తేలలేదు.


Like Us on Facebook : https://www.facebook.com/Tupakidotcom/