శ్రీదేవిలో ఈ టాలెంట్ కూడానా?

ఇండియన్ సిల్వర్ స్క్రీన్ బ్లాక్ అండ్ వైట్ నుంచి కలర్ స్క్రీన్ వరకు శ్రీదేవి కెరీర్ ఎంతో సక్సెస్ ఫుల్ గా సాగింది. అయితే అప్పటి నుంచి ఇప్పటి వరకు ప్రతి జనరేషన్ తెరపై కనిపించిన శ్రీదేవి చైల్డ్ ఆర్టిస్ట్ గా ఎంట్రీ ఇచ్చి పదహారేళ్లకే హీరోయిన్ అయ్యింది. కెరీర్ లో ఎన్నో విజయాలను అందుకున్న శ్రీదేవి లైఫ్ ని సక్సెస్ లోనే రన్ చేసుకుంటూ వచ్చింది. నటనలో డ్యాన్సులో ఎంతో మంచి గుర్తింపు తెచ్చుకున్న ఆమె దగ్గర మరో టాలెంట్ కూడా ఉంది.

శ్రీదేవికి చిన్నప్పడు చాలా ఇష్టం ఉన్నా సినిమా కెరీర్ వలన ఆ టాలెంట్ ను అలానే దాచి పెట్టి రీసెంట్ గా మళ్లీ ఆచరణలోకి తెచ్చిందట. శ్రీదేవికి పెయింటింగ్ అంటే చాలా ఇష్టమట. ఆమె ఎవ్వరికి తెలియకుండా అయిదేళ్ల నుంచి పెయింటిగ్ వేస్తూ.. కొంత మందికి బహుమతిగా కూడా ఇస్తుందట. రీసెంట్ గా తన మరిది కూతురు సోనమ్ కపూర్ కి శ్రీదేవి ఒక అందమైన పెయింటింగ్ వేసి ఇవ్వడంతో సోనమ్ తన రూమ్ లో ఇష్టమైన ప్రదేశంలో ఉంచిందట. ఆ పెయింటింగ్ ను సోనమ్ చాలా ఇష్టపడిందట.

ఇక సల్మాన్ ఖాన్ కి కూడా ఈ సీనియర్ నటి ఒక పెయింటింగును బహుమతిగా ఇచ్చి ఇంప్రెస్ చేసిందని తెలుస్తోంది. అలాగే డిజైనర్ మనీష్ మల్హోత్రా తో పాటు తన సన్నిహితులందరికి శ్రీదేవి తన జ్ఞాపకాన్ని పెయింటింగ్ ద్వారా వారి దగ్గర ఉంచింది. అయితే ఈ విషయాన్ని ఎందుకు చెప్పుకోలేదో ఎవ్వరికి అర్ధం కావడం లేదు. ఇకపోతే ఒక ఫిల్మ్ ఫెస్టివల్ శ్రీదేవి పెయింటింగ్ ను వేలం వెలయడంతో మంచి ఎమౌంట్ దక్కింది. అయితే ఆ డబ్బును కొన్ని మంచి కార్యక్రమాలకు ఉపయోగించారట.