సీనియర్ హీరో మల్లూ ఎంట్రీ ఫిక్స్

టాలీవుడ్ లో సీనియర్ హోదాలో ఉన్న హీరోల్లో శ్రీకాంత్ ఒకడు. నెగిటివ్ కేరక్టర్ల నుంచి హీరోగా ఎదిగి.. ప్రస్తుతం హీరోగాను.. కేరక్టర్ ఆర్టిస్ట్ గాను రాణిస్తున్నాడు. ఇప్పటికే విలన్ రోల్స్ కి కూడా శ్రీకాంత్ సిగ్నల్స్ ఇచ్చాడనే టాక్ ఉంది.

ఆ సంగతి అలా ఉంటే.. ఇప్పుడు శ్రీకాంత్ మలయాళ సినీ పరిశ్రమలో అరంగేట్రానికి రంగం సిద్ధమైంది. రీసెంట్ గా జనతా గ్యారేజ్ తో టాలీవుడ్ లో మంచి ఇమేజ్ సంపాదించుకున్న మలయాళ సూపర్ స్టార్ మోహన్ లాల్.. తాజాగా కొత్త సినిమా ప్రారంభించారు. ఉన్ని కృష్ణన్ దర్శకత్వంలో రూపొందనున్న ఈ మూవీకి సంబంధించిన అనౌన్స్ మెంట్ వచ్చేసింది. ఈ చిత్రంలో శ్రీకాంత్ ఓ కీలక పాత్రలో నటించనున్నట్లు తెలిపింది యూనిట్. మలయాళంలో శ్రీకాంత్ కి ఇదే మొదటి సినిమా కావడం విశేషం.

అయితే.. మల్లూవుడ్ మూవీగానే రూపొందినా.. ఆ తర్వాత ఈ చిత్రం తెలుగు తమిళ్ లోకి కూడా డబ్బింగ్ కావడం ఖాయమే అంటున్నారు ఇండస్ట్రీ జనాలు. కెరీర్ లో కీలక దశలో ఉన్న టైంలో మల్లూవుడ్ లో సత్తా చాటే అవకాశం రావడం శ్రీకాంత్ కి కొత్త ద్వారాలు తెరిచినట్లయింది.

Like Us on Facebook : https://www.facebook.com/Tupakidotcom/