Begin typing your search above and press return to search.
శ్రీమంతుడు టీజ‌ర్ః మ‌హేష్ బాబు ల్యాండ‌య్యాడు
By: Tupaki Desk | 16 July 2015 2:41 PM GMTబాబు లాండయ్యాడంటే ఏమ‌వుద్ది? అపోజిష‌న్‌కి బ్యాండ్ ప‌డుద్ది. అవును మ‌రి..! మ‌హేష్ దూకుడు అలాంటిది. ఆయ‌న సినిమా వ‌స్తోందంటే అన్ని సినిమాలూ సైడైపోతుంటాయి. `బాహుబ‌లి` కోసం మ‌హేష్ రెండు మూడు వారాలు లేటుగా వ‌స్తున్నాడు కానీ... లేదంటే ఈపాటికే థియేట‌ర్ల‌లో కావాల్సినన్ని బ్యాండ్ బాజాలు మోగిపోయేవి. ఒక‌ప‌క్క `బాహుబ‌లి`. మ‌రోప‌క్క మ‌హేష్ `శ్రీమంతుడు`. తెలుగు ప్రేక్ష‌కుల‌కు కావ‌ల్సినంత సంద‌డి ఉండేది. పుష్క‌రాలు కూడా వ‌చ్చేశాయి కాబ‌ట్టి వెంట వెంట‌నే మూడు పండ‌గ‌లు వ‌చ్చినంత ఆనందంగా ఉండేది. కానీ రెండు సినిమాలు ఒకేసారి రావ‌డం మార్కెట్‌కి అంత ఆరోగ్యక‌రం కాదు కాబ‌ట్టి మ‌హేష్ త‌న బ‌ర్త్‌డే కి ముందు అంటే ఆగ‌స్టు 7న త‌న సినిమాతో సంద‌డి చేయాల‌ని ఫిక్స్ అయ్యాడు.
రేపు శ‌నివారం పాట‌ల పండ‌గ జ‌ర‌గ‌బోతోంది. అందుకోసం రోజుకో స్టిల్లు విడుద‌ల చేస్తూ `శ్రీమంతుడు` టీమ్ మ‌హేష్ అభిమానుల్ని ఉత్సాహ‌ప‌రుస్తోంది. తాజాగా ఆడియో టీజ‌ర్‌ని విడుద‌ల చేశారు. అందులో మ‌హేష్‌బాబు న‌డుచుకొంటూ వ‌చ్చి టోపీని స్టైల్‌గా తిప్పి వెళ్లిపోయాడు. 8 సెక‌న్లున్న ఆ టీజ‌ర్ అభిమానుల్లో కొత్త ఉత్సాహాన్ని నింపింది. ఆడియో ఫంక్ష‌న్‌లో ట్రైల‌ర్‌ని విడుద‌ల చేయబోతున్నారు. ఇప్ప‌టికే కటింగులు కూడా పూర్త‌య్యాయ‌ట. బాబు టీజ‌ర్‌తో ల్యాండ‌య్యాడు కాబ‌ట్టి ట్రైల‌ర్‌తో మ‌రింత రెచ్చిపోతాడన‌డంలో సందేహం లేదు. కొర‌టాల శివ ద‌ర్శ‌క‌త్వంలో తెర‌కెక్కిన `శ్రీమంతుడు`లో మ‌హేష్ స‌ర‌స‌న శ్రుతిహాస‌న్ న‌టించింది.
