శ్రీమంతుడు 15 సెంచరీలు కొట్టాడు

సినిమాల ట్రెండ్ బాగా మారిపోయింది. వీకెండ్ దాటాక సోమవారం రోజున కలెక్షన్ వచ్చిందంటే హిట్ - రెండో వీకెండ్ కూడా కలెక్షన్స్ వస్తే సూపర్ హిట్.. మూడోవారంలో థియేటర్లలో ఉందంటే.. బ్లాక్ బస్టర్. ఇప్పటి సినిమాల జయాపజయాలను అంచనా వేసే లెక్కఇది. ఇలాంటి రోజుల్లో ఓ సినిమా యాభై రోజులు ఆడ్డమంటేనే సంచలనం. మరి ఏకంగా వంద రోజులు ఆడేసి, ఇన్నేసి సెంటర్లలో శతదినోత్సవం అంటే ఎలా ఉంటుంది.

ఎప్పుడో దశాబ్దం కిందట సినిమా లవర్స్ విరివిగా విన్న మాట ఈ శతదినోత్సవం అని. దాన్ని ఇప్పటికీ కొనసాగిస్తూ.. తన సత్తా ఏంటో చాటాడు మహేష్ బాబు. సూపర్ నటించిన లేటెస్ట్ మూవీ బ్లాక్ బస్టర్ శ్రీమంతుడు తెలుగు రాష్ట్రాల్లో 15 సెంటర్లలో శతదినోత్సవం జరుపుకుంటోంది. ఓ గ్రామాన్ని దత్తత తీసుకోవడం, దత్తత అంటే డబ్బులిచ్చి వెళ్లిపోవడం కాకుండా.. ఆ ఊరిలో ఉన్న మంచి, చెడులను కూడా ప్రేమించడం అనే మంచి మెసేజ్ తో వచ్చిన శ్రీమంతుడు... టాలీవుడ్ లో బాహుబలి తర్వాత సెకండ్ బిగ్గెస్ట్ బ్లాక్ బస్టర్.

ఆ సెంటర్లను ఓసారి చూస్తే..  హైద్రాబాద్-సంధ్య,  వైజాగ్-సంగం, కాకినాడ-ఆనంద్, రాజమండ్రి-శ్యామల, మండపేట-కృష్ణా, ఏలూరు-సత్యనారాయణ, విజయవాడ-అలంకార్, మచిలీపట్నం- బృందావనం, గుంటూరు-మెట్రో, తెనాలి-గెయటి, ఒంగోలు-జయరాం, చిలకలూరిపేట-వెంకటేశ్వర, కర్నూలు-భారత్ కాంప్లెక్స్, ఎమ్మిగనూరు-లక్ష్మణ్, అనంతపూర్-నీలిమల్లో సెంచరీ కొట్టేశాడు స్రీమంతుడు. మళ్లీ చాలా సంవత్సరాల తర్వాత శత దినోత్సవం అనే మాట వినిపించిన శ్రీమంతుడిని.. సినిమా లవర్స్ మనసారా అభినందించేస్తున్నారు.