ప్రీమియర్ టాక్ : సూపర్ హిట్ శ్రీమంతుడు

ఎప్పటికప్పుడు కొత్త తరహా చిత్రాలతో వస్తున్నా వరుసగా తన గత రెండు సినిమాలు అభిమానులను నిరాశపరచడంతో సూపర్ స్టార్ మహేష్ బాబు ఈసారి ఎలాగన్నాహిట్ కొట్టాలన్న కసితో చేసిన చిత్రం శ్రీమంతుడు. కొరటాల శివ దర్శకత్వంలో ఈ రోజు విడుదలవుతున్న ఈ సినిమాకి సంబంధించిన ప్రీమియర్ షోలు ఇప్పటికే పలుచోట్ల పూర్తిచేసుకుని సూపర్ హిట్ టాక్ తో సంచలనం సృష్టిస్తుంది.

గత 10ఏళ్ళలో ఇంతటి కధాబలమున్న సినిమా రాలేదని కామెంట్లు వినిపిస్తున్నాయ్. అనవసరపు కామెడి జోలికి పోకుండా కొరటాల శివ నరేషన్, అవసరమైన చోట్ల హీరో ఎలివేషన్, రాజేంద్ర ప్రసాద్ సూపర్బ్ యాక్షన్, శృతి హాసన్ గ్లామర్ పోర్షన్ ఈ సినిమాకు అండగా నిలుస్తే ఇక మహేష్ బాబు మొదట్నుంచి చివరివరకూ తన మార్కు నటనతో, స్క్రీన్ ప్రెజెన్స్ తో అందరినీ ఆశ్చర్యపరిచాడట. ఇటువంటి కధను అంగీకరించినందుకు మహేష్ కి హ్యాట్స్ ఆఫ్ చెప్పాలని, శ్రీమంతుడి కలెక్షన్ల తో టాలీవుడ్ టాప్ 5 ఆర్డర్ మారిపోతుందని చెప్పుకొస్తున్నారు. ఇవన్నీ వింటుంటే సినిమా ఎప్పుడెప్పుడు చూస్తామా అని వుందికదూ..