శ్రీమంతుడు ప్రీమియర్ షో: ఆగడు అవుట్‌

శ్రీమంతుడు అమెరికాలో తెగ సందడి చేస్తున్నాడు. ఇంకా చెప్పాలంటే ఇరగ దీస్తున్నాడు. ప్రీమియర్ షో కలెక్షన్ల విషయంలో తన రికార్డును తానే బద్దలు కొట్టుకున్నాడు మహేష్. ప్రీమియర్ షో వసూళ్లలో టాప్ 2 ప్లేస్ లోకి దూసుకొచ్చేశాడు. బాహుబలి రిలీజ్ వరకూ ఈ రికార్డ్ ప్రిన్స్ దే. ఆగడు పేరుతో ఉండే రికార్డును... ఇఫ్పుడు తానే బద్దలు కొట్టేశాడు.

ఒక్క యూఎస్ లోనే.. ప్రీమియర్‌ షో నుండి 5.55 లక్షల డాలర్లు వసూళ్లు.. అంటే దాదాపు మూడున్నర కోట్ల రూపాయలు.. రిలీజ్ కి ముందు రోజే వచ్చేశాయి శ్రీమంతుడికి. మామూలుగానే మహేష్ సినిమాకు యూఎస్ లో విపరీతమైన క్రేజ్ ఉంటుంది. అలాంటిది మహేష్ బాబు ఓ ఎన్నారై కేరక్టర్ పోషిస్తే.. వాళ్లకు విపరీతమైన కిక్ వచ్చేసింది. అందుకే థియటర్లకు తరలొచ్చేస్తునారు.

ప్రీమియర్ షో రికార్డులలో టాప్ 10లో మహేష్ సినిమాలే నాలుగు ఉన్నాయంటే.. ఇక్కడ బాబు క్రేజ్ ఏంటో అర్ధమవుతుంది. శ్రీమంతుడు సెకండ్ ప్లేస్ లో ఉండగా. ఆగడు థర్డ్ ప్లేస్, వన్ నేనొక్కడినే, సీతమ్మ సినిమాలు 9,10 స్థానాల్లో నిలిచి.. మహేష్ సత్తా ఏంటో తెలియచెబ్తున్నాయి. రిలీజ్ డే రికార్డుల కోసం.. ఈ స్పేస్ చూస్తూ ఉండండి.