సెక్స్ కామెడీ సినిమాలో హాట్ యాంకర్

ఒక సినిమా సక్సెస్ అయితే వరుస ఆఫర్లు క్యూ కట్టడం ఓ సెంటిమెంట్. ఇప్పుడు హాట్ యాంకర్ శ్రీముఖి విషయంలో కూడా ఇది రిపీట్ అవుతోంది. ఈ భామ నాని మూవీ జెంటిల్మన్ లో ఇన్వెస్టిగేటివ్ జర్నలిస్ట్ గా నటించి ఆకట్టుకుంది. ఆ సినిమాతో పాటు ఈమె రోల్ కూడా క్లిక్ కావడంతో ఆఫర్లు వచ్చి వాలుతున్నాయి.

జర్నలిస్ట్ గా ఆకట్టుకున్న శ్రీముఖి ఈసారి సెక్స్ కామెడీ సినిమాలో నటించేందుకు సై అనడం విశేషం. కమెడియన్ నుంచి హీరోగా మారుతున్న అవసరాల శ్రీనివాస్.. బాలీవుడ్ మూవీ హంటర్ రీమేక్ లో నటిస్తున్న సంగతి తెలిసిందే. ఈ చిత్రంలో రెజీనా మెయిన్ హీరోయిన్ గా నటిస్తుండగా.. మరో కీలక పాత్రకు శ్రీముఖిని అడిగాడట దర్శకుడు. ఈ విషయాన్ని తనే వెల్లడించిందీ హాట్ యాంకర్. తను హంటర్ మూవీ చూడకపోయినా.. డైరెక్టర్ నవీన్ చెప్పిన నెరేషన్ నచ్చడంతో.. ఈ సినిమా చేసేందుకు సై అన్నట్లు చెప్పింది శ్రీముఖి.

అంతే కాదు.. ఆ దర్శకుడిది తనది ఒకే ఊరని.. నిజామాబాద్ నుంచి వచ్చామన్న శ్రీముఖి.. రెండో సినిమాలో సెక్స్ కామెడీ చేసేసేందుకు ఒప్పుకోవడం విశేషం.