ఎట్టకేలకు కోరిక తీర్చుకున్న కమెడియన్

టాలీవుడ్ లో ఉన్న స్టార్ కమెడియన్స్ లో శ్రీనివాస్ రెడ్డి ఒకడు. తన మార్క్ టైమింగ్ తో తక్కువ టైం లోనే స్టార్ కమెడియన్ గా ఎదిగిన శ్రీనివాస్ రెడ్డి ఈ మధ్య హీరోగా మారి సినిమాలు చేస్తున్న విషయం తెలిసిందే. ఇప్పటికే హీరోగా 'జయమ్ము నిశ్చయమ్మురా','జంబలకడిపంబ' వంటి సినిమాలు చేసిన శ్రీనివాస్ రెడ్డి ఎట్టకేలకు తన కోరిక తీర్చేసుకున్నాడు. ఎప్పటి నుండో డైరెక్టర్ గా మారాలని చూస్తున్న శ్రీనివాస్ రెడ్డి ఎట్టకేలకు మెగా ఫోన్ పట్టేసి 'భాగ్యనగరంలో గమ్మత్తు' అనే సినిమా తీసి రిలీజ్ కి రెడీ చేసేసాడు. లేటెస్ట్ గా ఈ సినిమాకు సంబంధించి ఫస్ట్ లుక్ వదిలారు.

నిజానికి హీరోగా శ్రీనివాస్ రెడ్డి చేసిన ప్రయత్నాలేవి వర్కౌట్ అవ్వలేదు. కాన్సెప్ట్ బాగున్నా స్క్రీన్ మీదకి వచ్చే సరికి ఆడియన్స్ ను నిరాశపరిచాయి. అందుకే ఈసారి తనకి నచ్చిన కాన్సెప్ట్ ను మరొకరి చేతిలో పెట్టకుండా తనే దర్శకుడిగా రంగంలోకి దిగాడు. ఈ సినిమాతో దర్శకుడిగా తన లాక్ చెక్ చేసుకోవాలని చూస్తున్నాడు.

ఈ సినిమాతో నిర్మాతగా మారి తన కమెడియన్స్ మిత్రులను కూడా నిర్మాణంలో భాగస్వాములను చేసాడు. 'భాగ్యనగరంలో గమ్మత్తు' తో మొదలు పెట్టి ఇక వరుసగా కమెడియన్స్ అందరూ కలిసి డేట్స్ కేటాయించుకొని కాన్సెప్ట్ బేస్డ్ కామెడీ సినిమాలను చేయాలనుకుంటున్నారు. ఈ సినిమా రిజల్ట్ ని బట్టి నెక్స్ట్ సినిమాను ప్లాన్ చేసుకుంటారు. ఇకపై ఈ బ్యానర్ లో తెరకెక్కే సినిమాలకు శ్రీనివాస్ రెడ్డి తరహాలోనే వీరిలో ఎవరో ఒకరు దర్శకత్వం వహిస్తారట. ఇలా సొంత బ్యానర్ పై డైరెక్టర్ గా మరి తమ కోరికను తీర్చుకొని కొంత డబ్బులు వెనకేసుకునే పనిలో ఉన్నారు కమెడియన్లు. మరి ఈ రసగుల్లా లాంటి సినిమాతో శ్రీనివాస్ రెడ్డి అండ్ ఫ్రెండ్స్ ఎలాంటి విజయం అందిస్తుందో చూడాలి.