వైట్ల-వరుణ్ తేజ్ మూవీ ఏమైందో?

రామ్ చరణ్ కు బ్రూస్ లీ లాంటి ఫ్లాప్ ఇచ్చాక.. హీరోలంతా శ్రీనువైట్లకు మొహం చాటేశారు. కానీ మెగా ఫ్యామిలీ నుంచి మాత్రం ఓ ఆఫర్ అంది పుచ్చుకోగలిగాడు వైట్ల. అదే వరుణ్ తేజ్ తో ఓ మూవీ చేసి ప్రూవ్ చేసుకోవడం. ఇది కానీ సక్సెస్ చేస్తే.. తర్వాత అల్లు అర్జున్ తో కూడా సినిమా చేసే ఛాన్స్ ఇస్తారన్నది అప్పటి వెర్షన్.

అదలా ఉంటే.. వరుణ్ తేజ్- వైట్ల కాంబో ఫిక్స్ అని, ఏప్రిల్ 8న సినిమాని అనౌన్స్ చేస్తారనే వార్తలొచ్చాయి. ఆ ఉగాది వచ్చింది వెళ్లిపోయింది కూడా. ఆ తర్వాత శ్రీరామనవమి కూడా వెళ్లిపోయింది. ఇప్పటివరకూ వైట్ల సినిమా సంగతేంటో ఓ ప్రకటన కూడా రాలేదు. దీనికి కారణం.. శ్రీను వైట్ల చెప్పిన స్టోరీలో, స్క్రీన్ ప్లే లో వరుణ్ తేజ్ కొన్ని మార్పులు అడుగుతున్నాడని తెలుస్తోంది.

ఆగడు - బ్రూస్ లీ చిత్రాల డిజాస్టర్ ఫలితాల తర్వాత శ్రీను వైట్ల మేకింగ్ స్టైల్ ను అంత తేలిగ్గా ఒప్పేసుకునే సిట్యుయేషన్ కనిపించడం లేదు. అందుకే, స్క్రిప్ట్ విషయంలో పట్టు పడుతున్నారట. ఓ నెల, రెండు నెలలు లేట్ అయినా.. పర్ఫెక్ట్ సబ్జెక్ట్ - స్క్రిప్ట్ చేతిలో ఉన్నాకే సినిమా స్టార్ట్ చేయాలని భావిస్తున్నారట మెగా కేంప్.