శ్రీను వైట్లకు హీరో దొరికేశాడు!!

దర్శకుడు శ్రీను వైట్ల ఇప్పుడు ఫుల్ ఇబ్బందుల్లో పడిపోయాడు. పర్సనల్ సంగతులు వదిలేస్తే.. కెరీర్ పరంగా మాత్రం బాగా ట్రబుల్ ఫేస్ చేయాల్సి వస్తోంది. స్టార్ ప్రొడ్యూసర్ అయిన వైట్లకు.. ఇప్పుడు హీరోలు మొహం చాటేసే పరిస్థితి. మహేష్ ఆగడు డిజాస్టర్ తర్వాత రామ్ చరణ్ కు బ్రూస్ లీ ఫ్లాప్ ను ఇచ్చాడు వైట్ల.

తనను తాను ప్రూవ్ చేసుకునేందుకు రీసెంట్ గా వరుణ్ తేజ్ తో చేసిన మిస్టర్ కూడా డిజాస్టర్ జాబితాలోకి చేరిపోయింది. ఈ ప్రభావంతో.. వైట్లకు కొత్త సినిమా అందడం విషయంపై అనేక అనుమానాలున్నాయి. కానీ ఇప్పుడీ దర్శకుడు ఓ హీరోను ఒప్పించేశాడు. రెడీ మూవీతో రామ్ కు బ్లాక్ బస్టర్ అందించిన శ్రీను వైట్ల.. మరోసారి ఈ ఎనర్జిటిక్ హీరోతో కలిసి పని చేయనున్నాడు. ప్రస్తుతం నేను శైలజ తీసిన దర్శకుడు కిషోర్ తిరుమలతో ఓ మూవీ చేస్తున్నాడు రామ్. అది పూర్తయ్యాక వైట్లతో కలిసి పని చేసేందుకు ఒప్పుకున్నాడట ఈ హీరో.

ఈ చిత్రం కూడా హీరో రామ్ హోమ్ బ్యానర్ అయిన స్రవంతి రవికిషోర్ నిర్మించనుండగా.. ఈసారి మాత్రం ఎట్టి పరిస్థితుల్లోనూ ఫ్లాప్ అనే మాటే వినిపించకూడదని మంచి పట్టుదలతో ఉన్నాడు శ్రీను వైట్ల. పైగా స్క్రిప్ట్ ప్రిపరేషన్ కు కూడా బోలెడంత టైం లభించడంతో.. ప్రస్తుతం ఈ వర్క్ లో ఫుల్ బిజీగా ఉన్న దర్శకుడు.. చిన్నపాటి లోటు కూడా కనిపించకుండా ఉండేలా జాగ్రత్త పడుతున్నాడు.

Like Us on Facebook : https://www.facebook.com/Tupakidotcom/