కమల్ కి కూతురు ట్రైనింగ్ ఇచ్చిన వేళ

లోక నాయకుడు కమల్ హాసన్ కి ట్రైనింగ్ ఇచ్చే దమ్ము ఎవరికైనా ఉంటుందా? అసలంత ట్యాలెంట్ ఉన్నోళ్లు ఎవరైనా ఉంటారా? సహజంగా అయితే.. అంత సీన్ ఎవరికీ ఉండదనే అంటాం. కానీ కమల్ మాత్రం తనకు ఓ విషయంలో కూతురు శృతి హాసన్ ట్రైనింగ్ ఇవ్వడం ద్వారానే సాధ్యమైందని చెప్పడం ఆశ్చర్యం కలిగించే విషయమే.

దశావతారం సినిమాలో కమల్ హాసన్ పది పాత్రలు పోషించేస్తాడు. ఇందులో విలన్ పాత్ర పూర్తి అమెరికన్ ఇంగ్లీష్ యాక్సెంట్ ను మాట్లాడాల్సి ఉంటుంది. ఆ యాసను అంత పర్ఫెక్ట్ గా మాట్లాడ్డంలో శృతి హాసన్ పాత్ర చాలా ఉందని చెప్పాడు కమల్. ప్రతీ మాటను పట్టి పట్టి అబ్జర్వ్ చేసి.. కరెక్ట్ గా వచ్చేవరకూ విసిగించేసిందట. పర్ఫెక్షనిజం కోసం పాకులాడే కమల్ కూడా ఎన్ని టేక్ లైనా సరే తీసుకుని.. ఈ సన్నివేశాలను ఫినిష్ చేశాడట కమల్. అలా తనకు ట్రైనింగ్ ఇచ్చే స్థాయికి శృతి ఎప్పుడో అందుకుందని అంటున్నాడు.

ఇక ప్రస్తుతం శభాష్ నాయుడు మూవీలో.. కమల్ కూతురుగా, ఆయన దర్శకత్వంలోనే శృతి హాసన్ నటిస్తోంది. ప్రస్తుతం శృతి తన కూతురు మాత్రమే కాదని.. ఓ స్టార్ కం యాక్టర్ అంటున్నాడు ఈ విశ్వనటుడు. తాను చాలామంది నటులను డైరెక్ట్ చేసినా.. తొలిసారిగా ఓ స్టార్ ని అది కూడా స్టార్ గా ఎదిగిన తన కూతురునే డైరెక్ట్ చేయడం హ్యాపీగా ఉందన్నది కమల్ హాసన్ ఉవాచ.