హ్యారీ పోటర్ అక్కలా మారిందే

శృతి హాసన్ గత కొన్ని నెలలుగా తన సినిమాలతో కానీ.. ప్రతిభ కారణంగా కానీ.. సింగింగ్ ట్యాలెంట్ తో కానీ వార్తల్లో వినిపించడం లేదు. పైగా గతేడాది ప్రేమమ్ తర్వాత అమ్మడికి ఒక్క సినిమా కూడా కలిసి రాలేదు. తమిళ్ లో సూర్యతో చేసిన ఎస్3(సింగం3).. తెలుగులో పవన్ కళ్యాణ్ పక్కన నటించిన కాటమరాయుడు.. హిందీలో రాజ్ కుమార్ రావుతో చేసిన బెహన్ హోగీ తేరి చిత్రాలు డింకీ కొట్టేశాయి. అయితే.. తన కెరీర్ ప్రారంభంలోనే ఇంతకంటే దారుణమైన పరిస్థితి ఎదుర్కొన్న శృతిహాసన్.. ఇప్పటి సిట్యుయేషన్ కు అంతగా బెదిరిపోయే రకం కాదు.

పైగా ఈ మధ్య శృతి తన బాయ్ ఫ్రెండ్ గురించి వార్తలతోనే ఎక్కువగా వార్తల్లో వినిపిస్తోంది. ప్రస్తుతం కూడా ఈమె లండన్ లో ఉంది. అక్కడి నుంచే జనాలకు అప్డేట్స్ చెబుతోంది. రీసెంట్ గా అయితే.. డిఫరెంట్ గెటప్ లో రెడీ అయిపోయి జనాలకు తన కొత్త రూపాన్ని ప్రదర్శించింది శృతి హాసన్. ఈ మధ్య శృతి నటించిన సినిమాల్లో ఆమె లుక్ పై వచ్చిన విమర్శలకు ధీటుగా జవాబు ఇచ్చేందుకు బాగానే కష్టపడుతోందని అర్ధమవుతోంది కానీ.. సడెన్ గా చూస్తే మాత్రం హ్యారీ పోటర్ అక్కయ్య రేంజ్ లో రెడీ అయిపోయింది శృతి.

మన హీరోయిన్స్ కనిపించే స్టైల్ కు కాస్త డిఫరెంట్ గా ఉన్నా.. కొత్తగా ఉండడంతో ఈ గెటప్ బాగానే ఆకట్టుకుంటోందని చెప్పాలి. పైగా మొహంలో కాసింత మెరుపులు కూడా కనిపిస్తున్నాయి. బాడీ విషయంలోనూ కాస్త తగ్గినట్లుగా కనిపిస్తోంది. కానీ ఫేస్ లో కనిపిస్తున్న మెరుపులు.. కెరీర్ కోసం పడుతున్న కష్టం కారణగా వచ్చాయా.. లేక అక్కడ బాయ్ ఫ్రెండ్ తో షికార్లు కొడుతున్న ఫలితమా అన్నదే బైటకు తెలియని పాయింట్.