క‌త్రిన.. కంగ‌న‌ బాట‌లో శ్రుతి.. స‌లార్ లో యాక్ష‌న్ క్వీన్ గా..

బాలీవుడ్ అగ్ర క‌థానాయిక‌లు క‌త్రిన .. కంగ‌న‌.. దీపిక ఇప్ప‌టికే యాక్ష‌న్ క్వీన్ పాత్ర‌ల‌తో మెప్పిస్తున్న సంగ‌తి తెలిసిందే. లేడీ డాన్ త‌ర‌హా పాత్ర‌ల్లో న‌టించేందుకు ఈ భామ‌లు ఎప్పుడూ సిద్ధం. ఇప్పుడు అదే బాట‌లో శ్రుతిహాస‌న్ కూడా యాక్ష‌న్ క్వీన్ గా మారుతోంది. అది కూడా పాన్ ఇండియా మూవీ స‌లార్ కోసం ఈ ఫీట్ వేస్తోంది.

యాక్షన్ థ్రిల్లర్ క‌థాంశంతో రూపొందుతున్న సలార్ లో శృతి హాసన్ పాత్ర ఎంతో వైవిధ్యంతో అల‌రిస్తుంద‌ని సమాచారం. ఈ సినిమాలో శృతి యాక్షన్ ఓరియెంటెడ్ పాత్రలో కనిపించనుందని తెలుస్తోంది. సన్నని నాజూకు అందం ఉన్న‌ట్టుండి యాక్ష‌న్ క్వీన్ గా మారుతోంది. స‌లార్ లో ప్రాభాస్ తో పోటీప‌డుతూ కొన్ని డేర్ డెవిల్ యాక్ష‌న్ విన్యాసాలు చేస్తుంది. స‌లార్ లో యాక్షన్ సీక్వెన్స్ లలో ఆమె విన్యాసాలు ప్రామాణికమైనవని నిర్ధారించుకోవడానికి ఇప్ప‌టికే మార్షల్ ఆర్ట్స్ లో శిక్షణ పొందుతోంది. ప్రఖ్యాత మార్షల్ ఆర్టిస్ట్ త‌న‌కు శిక్ష‌ణ‌నిస్తున్నార‌ని స‌మాచారం. ప్రశాంత్ నీల్ దర్శకత్వం వ‌హిస్తున్న‌ ఈ చిత్రాన్ని హోంబలే ఫిల్మ్స్ భారీ స్థాయిలో నిర్మిస్తోంది.

ఎంద‌రు ఉన్నా శ్రుతి వేరే..!

కొంత గ్యాప్ తర్వాత‌ శ్రుతిహాస‌న్ కంబ్యాక్ కోసం ప్ర‌తిదీ తెలివిగా ప్లాన్ చేస్తోంది. క్రాక్ - వ‌కీల్ సాబ్ లాంటి బ్లాక్ బ‌స్ట‌ర్ల‌తో టాలీవుడ్ లో కంబ్యాక్ అయిన శ్రుతి ప్ర‌స్తుతం పాన్ ఇండియా మూవీ స‌లార్ కోసం అహర్నిశ‌లు శ్ర‌మిస్తోంది. ప్ర‌భాస్ తో క‌లిసి ఇప్ప‌టికే షూటింగ్ లో పాల్గొంటోంది. మ‌రోవైపు సోష‌ల్ మీడియాల్లో వ‌రుస ఫోటోషూట్ల‌తో శ్రుతి విరుచుకుప‌డుతోంది. గ‌త కొంత‌కాలంగా శ్రుతి స్పెష‌ల్ గోథిక్ మేక‌ప్ ఫోటోషూట్ లు వైర‌ల్ గా మారుతున్నాయి. ఇక క‌త్రిన .. కంగ‌న రేంజులో శ్రుతిహాస‌న్ కూడా మునుముందు లేడీ ఓరియెంటెడ్ యాక్ష‌న్ సినిమాలు చేసేందుకు ఇది ప్రిప‌రేష‌న్ అని భావించాలి.