ఎన్‌కౌంటర్‌కి 30.కి.మీ దూరంలో శ్రుతి

ఓ అందాల హీరోయిన్‌.. క్రేజీ హీరోయిన్‌.. ఓ సూపర్‌స్టార్‌ సరసన నాయికగా నటిస్తోంది. ఈ సినిమా షూటింగ్‌ ఓ అడవిలో జరుగుతోంది. ఇంతలోనే ఎక్కడినుంచో భీకర శబ్ధాలు. తుపాకి పేల్చిన శబ్ధం. ఇంకేం ఉంది? ఏం జరుగుతుందో? అన్న కంగారు చిత్రయూనిట్‌లో ఉండదూ! అయితే సరిగ్గా ఇలాంటి ఎపిసోడ్‌ని జస్ట్‌లో మిస్సయ్యింది ఆ యూనిట్‌. అసలు ఆ హీరోయిన్‌ ఎవరు? అనుకున్నారు. అందాల శ్రుతిహాసన్‌.

ఈ అమ్మడు నిన్నటిరోజున (మంగళవారం) తిరుపతి శేషాచలం అడవుల్లో షూటింగుల్లో పాల్గొంది. అక్కడ విజయ్‌ సినిమాని తెరకెక్కిస్తున్నారు. సరిగ్గా వీళ్లు ఉన్న చోటికి 30కి.మీ దూరంలో ఎర్రచందనం స్మగ్లర్లకు పోలీసులకు మధ్య కాల్పులు జరిగాయి. స్మగ్లర్లను పోలీసులు కాల్చి చంపారు. ఎన్‌కౌంటర్‌ హోరాహోరీగా సాగింది. ఆ క్షణంలో ఆ 30కి.మీ.ల దూరం వారి మధ్య లేకపోతే పరిస్థితి ఏమిటి? చిత్రయూనిట్‌కి ఈ సంగతి తెలిసి బెంబేలెత్తిపోయింది. అయితే ఆ ఎన్‌కౌంటర్‌తో ఏ సంబంధం లేకుండా బైటపడినందుకు అంతా హ్యాపీగా ఉన్నారు. ముఖ్యంగా శ్రుతిహాసన్‌ హ్యాపీస్‌.