శ్రుతి, సమంత.. గబ్బర్‌ సింగ్‌ 2

పవర్‌స్టార్‌ పవన్‌కల్యాణ్‌ కథానాయకుడిగా గబ్బర్‌సింగ్‌ -2 ఆన్‌సెట్స్‌ ఉన్న సంగతి తెలిసిందే. ప్రస్తుతం బెంగళూరులో షూటింగ్‌ జరుగుతోంది. పవన్‌ సహా ప్రధాన నటీనటులపై కీలక సన్నివేశాల్ని తెరకెక్కిస్తున్నారు. ఆన్‌సెట్స్‌ దర్శకుడు బాబి పకడ్భందీ ప్రణాళికతో హుషారుగా ఉంటున్నాడని సమాచారం. అయితే ఇప్పటివరకూ ఈ చిత్రంలో ప్రధాన నాయిక ఎవరు? అన్నది మాత్రం ఎవరూ ప్రకటించలేదు. నాయిక వేటలో దర్శకహీరోలు బిజీగా ఉన్నారని తెలుస్తోంది. పవన్‌ సరసన కొత్త భామల్ని ఎంపిక చేసుకునే కంటే ఇప్పటికే పాపులారిటీ ఉన్న నాయిక అయితే బావుంటుందని భావిస్తున్నారట. అందుకే శ్రుతిహాసన్‌, సమంత పేర్లు పరిశీలనలో ఉన్నాయని తెలుస్తోంది. ఈ ఇద్దరిలో ఎవరు కాల్షీట్లు సర్ధుబాటు చేస్తే వాళ్లకే అవకాశం. సమంత ఇప్పటికే గోల్డెన్‌లెగ్‌ అన్న పేరు తెచ్చుకుంది. పైగా పవన్‌ సరసన 'అత్తారింటికి దారేది' వంటి రికార్డ్‌ హిట్‌ చిత్రంలో జోడీగా నటించింది. అందువల్ల సమంత వైపు దర్శకనిర్మాతలు ఆసక్తి చూపిస్తున్నారు. అలాగే గబ్బర్‌సింగ్‌లో శ్రుతిహాసన్‌ అభినయం యువతరానికి కిక్కిచ్చింది. కాబట్టి శ్రుతి అయితేనే బావుంటుందని బాబి భావిస్తున్నాడు.

అయితే ఈ ఇద్దరిలో ఎవరిని ఫైనల్‌ చేయాలి? అన్నది మాత్రం ఇంకా సస్పెన్స్‌. ఎవరు కావాలి? ఎవరు వద్దు? అనేది బాస్‌ ఫైనల్‌ చేయాల్సిందే. అంతవరకూ వెయిట్‌ అండ్‌ సీ.