మెగా ట్యాక్సీ ఎక్కిన పటాస్ పోరి

సాయిధరం తేజ్ - రాశిఖ్నా జంటగా నటిస్తున్న మూవీ సుప్రీం. ప్రస్తుతం ఈ సినిమాకి సంబంధించి సాంగ్స్ పిక్చరైజ్ చేస్తున్నారు. మెగా ఫ్యామిలీ అనగానే ముందు గుర్తొచ్చేది ఫైట్లు - డ్యాన్సులే. తేజు కూడా ఈ విషయంలో తక్కువేం కాదు. పాటల్లో డ్యాన్సులు ఇరగదీసేస్తున్నాడు. అదే ఇక ఇంట్రడక్షన్ సాంగ్ అంటే ఎలా రెచ్చిపోతాడో అర్ధం చేసుకోవచ్చు.

సుప్రీం మూవీలో 'వాలా వాలా వాలా.. మై హూ ట్యాక్సీవాలా' అంటూ సాగే పాటను ఇప్పుడు పిక్చరైజ్ చేస్తున్నారు. హై ఓల్టేజ్ ఎనర్జీకి మారు రూపంలా ఉండే సాయిధరం తేజ్.. ఇప్పుడు డ్యాన్సులు ఇరగదీసేస్తూ చేస్తున్నాడు. ఈ పాటలో తేజుకు జంటగా ఓ హీరోయిన్ నటిస్తుండడం విశేషం. పటాస్ మూవీలో హీరోయిన్ గా నటించి శృతి శోధి.. తేజు పక్కన సుప్రీంలో ఐటెం భామగా కనిపిస్తోంది. పటాస్ చిత్రానికి దర్శకత్వం వహించిన అనిల్ రావిపూడి.. ఐటెం భామగా చేసేందుకు ఒప్పించాడట. ఈ ఇంట్రడక్షన్ సాంగ్ లో శృతి డ్యాన్సులు ఇరగదీసేస్తుందని టాక్ వినిపిస్తోంది.

ఈ సాంగ్ కు శేఖర్ మాస్టర్ డ్యాన్స్ అందిస్తున్నాడు. సాయిధరమ్ తేజ్ ని కొత్తగా చూపిస్తున్నామని.. ఇంకో నాలుగు రోజుల్లో టాకీ మొత్తం కంప్లీట్ అయిపోతుందని యూనిట్ వర్గాలు అంటున్నాయి. సుప్రీం మూవీని దిల్ రాజు నిర్మిస్తుండగా.. ఈ సినిమాలో సాయిధరం తేజ్ కి జంటగా రాశి ఖన్నా పోలీస్ పాత్రలో కనిపించనుంది.