మరో అంతర్జాతీయ వేదిక మీద మన జక్కన్న

టాలీవుడ్‌ జక్కన్న రాజమౌళి బాహుబలి మరియు ఆర్‌ ఆర్‌ ఆర్‌ సినిమాలతో కేవలం పాన్ ఇండియా స్థాయి లోనే కాకుండా అంతర్జాతీయ స్థాయిలో గుర్తింపు దక్కించుకున్నారు.

హాలీవుడ్‌ సినిమాలకు ఏమాత్రం తీసి పోకుండా మన సినిమాలను చేసిన ఘనత ఆయనకు మాత్రమే దక్కింది. అందుకే మన సినిమాలకు అంతర్జాతీయ వేదికలపై ప్రముఖ స్థానం దక్కింది అనడంలో సందేహం లేదు.

అద్భుతాలను ఆవిష్కరిస్తూ గొప్ప దర్శక ధీరుడిగా పేరు దక్కించుకున్న టాలీవుడ్‌ జక్కన్న రాజమౌళికి మరో అరుదైన అంతర్జాతీయ గౌరవం దక్కింది. ప్రపంచ ప్రసిద్ది గాంచిన టొరంటో ఇంటర్నేషనల్‌ ఫిల్మ్‌ ఫెస్టివల్‌ నుండి రాజమౌళికి ఆహ్వానం దక్కింది. ఇండియా నుండి అతి తక్కువ మందికి మాత్రమే ఈ అరుదైన గౌరవం దక్కింది.

రాజమౌళి తన కొడుకు కార్తికేయతో కలిసి టొరంటో ఫిల్మ్‌ ఫెస్టివల్‌ లో పాల్గొన్నాడు. గ్రాఫిక్స్ విషయంలో హాలీవుడ్‌ సినిమాలతో పోటీ పడే రాజమౌళి ముందు ముందు చేయబోతున్న సినిమాలకు ఇలాంటి గౌరవాలు మరింతగా బూస్ట్‌ ఇస్తాయి అనడంలో సందేహం లేదు. త్వరలో మహేష్ బాబుతో చేయబోతున్న సినిమాపై ఈ ఆహ్వాన ప్రభావం ఉండాలని మహేష్ బాబు ఫ్యాన్స్‌ కోరుకుంటూ ఉంటారు.

టొరంటో ఫిల్మ్ ఫెస్టివల్‌ లో జక్కన్న సందడి మరియు ఆయన యొక్క మాటలకు సంబంధించిన విషయాల గురించి త్వరలో ఫుల్‌ క్లారిటీ వచ్చే అవకాశం ఉంది. ప్రస్తుతానికి జక్కన్న టొరంటో ఇంటర్నేషనల్‌ ఫిల్మ్‌ ఫెస్టివల్‌ లో పాల్గొన్న ఫోటోలు మాత్రం సోషల్‌ మీడియాలో వైరల్‌ అవుతున్నాయి.

జక్కన్న ఈ ఏడాది చివరి నుండి మహేష్ బాబు సినిమా పనిలో పూర్తిగా నిమగ్నం అయ్యే అవకాశాలు ఉన్నాయంటూ సమాచారం అందుతోంది. మహేష్ బాబుతో సినిమాను వచ్చే ఏడాది ఆరంభంలో ప్రారంభించే అవకాశాలు ఉన్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.