'వకీల్ సాబ్‌' చూశాక ఆ రెండు సాంగ్స్ మళ్లీ ట్యూన్‌ చేశాః థమన్‌

పవన్‌ కళ్యాణ్‌ మోస్ట్‌ వెయిటెడ్‌ 'వకీల్‌ సాబ్‌' విడుదలకు సిద్దం అయ్యింది. వచ్చే నెలలో ప్రేక్షకుల ముందుకు రాబోతున్న వకీల్ సాబ్‌ కు థమన్ సంగీతాన్ని అందించాడు. ఈ సినిమాలో మొత్తంగా మూడు పాటలు ఉండబోతున్నాయి. ఏడాది క్రితమే మగువ పాట వచ్చి మంచి సక్సెస్‌ ను దక్కించుకుంది. ఇక ఇటీవల రెండు పాటలు విడుదల అయ్యాయి. మొత్తం మూడు పాటలకు కూడా మంచి స్పందన వస్తున్న నేపథ్యంలో సంగీత దర్శకుడు థమన్ చాలా సంతోషంగా ఉన్నాడు. ఇటీవల ఆయన సినిమా ప్రమోషన్‌ కార్యక్రమంలో మాట్లాడుతూ పాటల గురించి స్పందించాడు.

వకీల్ సాబ్‌ కోసం మొత్తం పాటలను లాక్‌ డౌన్‌ కు ముందే ట్యూన్‌ చేశాను. కాని నవంబర్ 19వ తారీకున సినిమా రఫ్‌ కట్స్‌ తో చూశాను. ఆ తర్వాత తాను అప్పటికే ట్యూన్‌ చేసిన రెండు పాటలను మళ్లీ ట్యూన్‌ చేశాను పవన్‌ కళ్యాణ్‌ తో నేను చేస్తున్న మొదటి సినిమా అవ్వడం వల్ల బెస్ట్‌ ఇవ్వాలనుకున్నాను. సినిమా చూసిన తర్వాత నేను లాక్ డౌన్‌ కు ముందు ట్యూన్‌ చేసినవి కంటే ఇంకా బెటర్‌ కావాలనుకున్నాను. అందుకే మళ్లీ కొత్తగా ట్యూన్‌ చేశాను. కంటి పాప.. పాట ఇటీవల ప్రేక్షకుల ముందుకు వచ్చి మంచి టాక్ ను దక్కించుకుంది.

ఇంకా థమన్‌ మాట్లాడుతూ ఈ సినిమా పాటల కోసం పవన్ కళ్యాణ్‌ అభిమానులం కలిసి వర్క్‌ చేశామని అన్నాడు. తాను దర్శకుడు వేణు శ్రీరామ్‌ మరియు రామజోగయ్య శాస్త్రీ కూడా పవన్‌ కళ్యాణ్‌ అభిమానులం అని అందుకే ఈ పాటలు బెస్ట్‌ గా వచ్చాయంటూ థమన్ చెప్పుకొచ్చాడు. మొత్తానికి ఈ సినిమా పై అంచనాలు పెంచే విధంగా పాటలు ఉండటం పట్ల అభిమానులు ఆనందం వ్యక్తం చేస్తున్నారు. ఏప్రిల్‌ 9వ తారీకున ఈ సినిమా ప్రేక్షకుల ముందుకు రాబోతున్న విషయం తెల్సిందే.