SSMB28: మ‌హేష్ ఫ్యాన్స్ కి గుడ్ న్యూస్‌!

సూప‌ర్ స్టార్ మ‌హేష్ బాబు రెండేళ్ల విరామం త‌రువాత ప్రేక్ష‌కుల ముందుకొచ్చారు. ఆయ‌న న‌టించిన లేటెస్ట్ యాక్ష‌న్ ఎంట‌ర్ టైన‌ర్ 'స‌ర్కారు వారి పాట‌'. యంగ్ టాలెంటెడ్ డైరెక్ట‌ర్ ప‌ర‌శురామ్ డైరెక్ష‌న్ లో అత్యంత భారీ స్థాయిలో మైత్రీ మూవీ మేకర్స్, 14 ప్ల‌స్ రీల్స్, జీఎంబీ ఎంట‌ర్ టైన్ మెంట్స్ సంయుక్తంగా ఈ మూవీని నిర్మించాయి. కీర్తి సురేష్ హీరోయిన్ గా న‌టించిన ఈ మూవీ భారీ అంచ‌నాల మ‌ధ్య మే 12న ప్ర‌పంచ వ్యాప్తంగా విడుద‌లైంది.

తొలి రోజు డివైడ్ టాక్ ని సొంతం చేసుకుంది. అయితే ఆ త‌రువాత కొంత వ‌ర‌కు పుంజుకుని మంచి బాక్సాఫీస్ వ‌ద్ద మంచి వ‌సూళ్ల‌ని రాబ‌ట్టింది. అయితే ఫ్యాన్స్ ని ఆశించిన స్థాయిలో మాత్రం సంతృప్తి ప‌ర‌చ‌లేక‌పోయింది. దీంతో నెల‌తిర‌క్కుండానే ఈ మూవీని మేక‌ర్స్ ఓటీటీలో రిలీజ్ చేసేశారు. ఇదిలా వుంటే ఈ మూవీ త‌రువాత మాట‌ల మాంత్రికుడు త్రివిక్ర‌మ్ డైరెక్ష‌న్ లో మ‌హేష్ ఓ భారీ మూవీని చేయ‌బోతున్న విష‌యం తెలిపిందే.

హారిక అండ్ హాసిని క్రియేష‌న్స్ బ్యాన‌ర్ పై స్టార్ ప్రొడ్యూస‌ర్ ఎస్‌. రాధాకృష్ణ ఈ మూవీని నిర్మించ‌బోతున్నారు. పూజా హెగ్డే హీరోయిన్ గా న‌టించ‌నుంద‌ని ఇప్ప‌టికే ప్ర‌క‌టించిన ఈ మూవీపై భారీ అంచ‌నాలే వున్నాయి. కార‌ణం మ‌హేష్ - త్రివిక్ర‌మ్ ల క‌ల‌యిక‌లో దాదాపు 12 ఏళ్ల విరామం త‌రువాత తెర‌పైకి రానున్న మూవీ కావ‌డం. దీంతో ఈ మూవీని డైరెక్ట‌ర్ త్రివిక్ర‌మ్‌, హీరో మ‌హేష్ తో పాటు ఫ్యాన్స్ కూడా ప్ర‌త్యేకంగా చూస్తున్నారు.

చాలా ప్ర‌త్యేక‌త‌ల‌తో సర్ ప్రైజింగ్ ఎలిమెంట్స్‌, క్యారెక్ట‌ర్స్ తో ఈ మూవీని తెర‌పైకి తీసుకురావాల‌ని, మ‌రింత స్పెష‌ల్ మూవీగా తీర్చి దిద్దాల‌ని ద‌ర్శ‌కుడు ప్లాన్ చేస్తున్నారు. ఇటీవ‌లే ఈ మూవీ లాంఛ‌నంగా పూజా కార్య‌క్ర‌మాల‌ని కూడా పూర్తి చేసుకుంది. ఇక రెగ్యుల‌ర్ షూటింగ్ స్టార్ట్ కావ‌డ‌మే త‌రువాయి. అయితే గ‌త కొన్ని రోజులుగా ఈ మూవీ రెగ్యుల‌ర్ షూటింగ్ ఎప్పుడెప్పుడు మొద‌ల‌వుతుందా? అని ఆస‌క్తిగా ఎదురుచూస్తున్న మ‌హేష్ అభిమానుల‌కు మేక‌ర్స్ గుడ్ న్యూస్ చెప్ప‌బోతున్న‌ట్టుగా తెలుస్తోంది.

SSMB28 అనే వ‌ర్కింగ్ టైటిల్ తో రూపొంద‌నున్న ఈ మూవీ రెగ్యుల‌ర్ షూటింగ్ ని జూలై రెండ‌వ వారం నుంచి ప్రారంభించ‌బోతున్న‌ట్టుగా తెలిసింది. ప్ర‌స్తుతం ఫ్యామిలీతో ఇట‌లీకి వెకేష‌న్ కి వెళ్లారు మ‌హేష్‌. అక్క‌డ ఫ్యామిలీతో క‌లిసి ఎంజాయ్ చేస్తున్నారు. వెకేష‌న్ పూర్తిచేసుకుని త్వ‌ర‌లోనే హైద‌రాబాద్ రాబోతున్నారు. ఇటీవ‌ల జ‌ర్మ‌నీలో మ‌హేష్ ని ప్ర‌త్యేకంగా క‌లిసి ఫైన‌ల్ స్క్రిప్ట్ ని వినిపించార‌ట త్రివిక్ర‌మ్.. దీంతో ఫుల్ సాటిస్ ఫై అయిన మ‌హేష్ రెగ్యుల‌ర్ షూట్ కి టైమ్ ఫిక్స్ చేయ‌మ‌న్నార‌ని, దీంతో త్రివిక్ర‌మ్ జూలై సెకండ్ వీక్ నుంచి రెగ్యుల‌ర్ షూటింగ్ మొద‌లు పెట్ట‌డానికి టైమ్ ఫిక్స్ చేశార‌ని తెలిసింది.

త‌మ‌న్ ఈ మూవీకి సంగీతం అందిస్తున్నారు. ఇప్ప‌టికే ట్యాన్ ల‌ని రెడీ చేసే ప‌నిలో త‌మ‌న్ బిజీ అయిపోయార‌ట‌. మా కొత్త జ‌ర్నీ స‌రికొత్త రికార్డుల‌కు శ్రీ‌కారం చుట్ట‌బోతోంద‌ని తాజాగా త‌మ‌న్ .. త్రివిక్ర‌మ్ తో క‌లిసి వున్న ఫొటోని షోష‌ల్ మీడియా ద్వారా అబిమానుల‌తో పంచుకుంటూ ఆస‌క్తిక‌ర వ్యాఖ్య‌లు చేయ‌డం ఆకట్టుకుంటోంది.