హ్యాట్రిక్ మూవీతో మ్యాజిక్ రీక్రియేట్ చేస్తారా..?

సూపర్ స్టార్ మహేష్ బాబు - డైరెక్టర్ త్రివిక్రమ్ శ్రీనివాస్ కాంబినేషన లో హ్యాట్రిక్ మూవీ #SSM28 అనే వర్కింగ్ టైటిల్ తో ఈరోజు (ఫిబ్రవరి 3) గురువారం పూజా కార్యక్రమాలతో లాంఛనంగా ప్రారంభించబడింది. ఎప్పటిలాగే మహేష్ ఈ వేడుకకు అటెండ్ కాలేదు.. ఆయన సతీమణి నమ్రత హాజరై చిత్ర బృందానికి బెస్ట్ విషెస్ అందజేశారు. దీనికి సంబంధించిన వీడియోలు ఫోటోలను నిర్మాణ సంస్థ సోషల్ మీడియాలో పంచుకుంది.

సినిమాల ఫలితంతో సంబంధం లేకుండా మహేష్ బాబు - త్రివిక్రమ్ కలిసి మరో సినిమా చేయాలని అభిమానులు ఎప్పటి నుంచో కోరుకుంటున్నారు. SSM28 ప్రాజెక్ట్ అనౌన్స్ చేసినప్పటి నుంచి ఎంతో ఆత్రుతతో ఎదురు చూస్తున్నారు. 2022 ఏప్రిల్ నుంచి ఈ సినిమా సెట్స్ మీదకు వెళ్తుందని తెలిసి సంతోషం వ్యక్తం చేస్తున్నారు. ఇక మూవీ లాంచింగ్ సందర్భంగా మహేష్ ట్వీట్ చేస్తూ.. "కొత్త అధ్యాయం ఆవిష్కరిస్తుంది" అని పేర్కొన్నారు.

'అతడు' 'ఖలేజా' వంటి రెండు క్లాసిక్స్ తర్వాత దర్శక హీరోల కలయికలో రాబోతున్న SSM28 సినిమాపై భారీ అంచనాలు నెలకొన్నాయి. 'భరత్ అనే నేను' 'మహర్షి' 'సరిలేరు నీకెవ్వరు' వంటి హ్యాట్రిక్ విజయాల తర్వాత మహేష్ ప్రస్తుతం 'సర్కారు వారి పాట' చిత్రంలో నటిస్తున్నారు. మరోవైపు త్రివిక్రమ్ 'అరవింద సమేత వీర రాఘవ' మరియు 'అల వైకుంఠపురములో' వంటి సినిమాలో సక్సెస్ అందుకొని ఉన్నారు.

SSM28 స్టోరీ లైన్‌ పై పూర్తి వివరాలు ఇంకా బయటకు రానప్పటికీ.. ఇది విభిన్న కోణాల్లో తెరకెక్కే అవుట్ అండ్ అవుట్ కమర్షియల్ ఎంటర్‌టైనర్ అని తెలుస్తోంది. ఇది పాన్ ఇండియా అప్పీల్ ఉన్న రివేంజ్ డ్రామా అనే టాక్ కూడా ఉంది. ఇందులో స్టార్ క్యాస్టింగ్ - టాప్ టెక్నిషియన్స్ భాగం అవుతున్నారు. మహేష్ సరసన పూజా హెగ్డే హీరోయిన్ గా నటించనుంది. గతంలో 'మహర్షి' వంటి హిట్ సినిమాలో వీరు కలిసి నటించారు. అంతేకాదు ఇది బుట్టబొమ్మకు దర్శకనిర్మాతలతో మూడో సినిమా. ఈసారి అమ్మడి అదృష్టం కలిసొస్తుందని భావిస్తున్నారు.

ఈ నేపథ్యంలో మహేష్ - త్రివిక్రమ్ కాంబో మరోసారి మ్యాజిక్ క్రియేట్ చేస్తుందని ఫ్యాన్స్ నమ్ముతున్నారు. ఎస్ఎస్ థమన్ సంగీతం సమకూరుస్తున్నారు. మది సినిమాటోగ్రాఫర్ గా.. ఏఎస్ ప్రకాష్ ఆర్ట్ డైరెక్టర్ గా వర్క్ చేయనున్నారు. నవీన్ నూలి ఎడిటింగ్ బాధ్యతలు నిర్వహించనున్నారు. ఏప్రిల్ లో సెట్స్ మీదకు వెళ్లనున్న ఈ సినిమాని అన్నీ అనుకున్నట్లు జరిగితే 2023 సంక్రాంతికి రెడీ అయ్యే అవకాశం ఉంది.