'ఫ్యామిలీ మ్యాన్-2' పుకార్లపై స్పందించిన స్టార్ యాక్టర్స్..!

సౌత్ ఇండియన్ స్టార్ హీరోయిన్ ఫస్ట్ టైం ఓ వెబ్ సిరీస్ తో బాలీవుడ్ లో అడుగుపెట్టబోతుంది. ఈ విషయం తెలిసినప్పటి నుండి సామ్ ఫ్యాన్స్ ఎంతో ఆసక్తిగా ఎదురుచూస్తున్నారు. 'ఫ్యామిలీ మ్యాన్-2' వెబ్ సిరీస్ రెండో సీసన్ తో సామ్ ఎంట్రీ ఇవ్వనుంది. ఆ మధ్యలో ఫ్యాన్స్ ఎంతో ఆశగా ఫిబ్రవరిలో విడుదల అవుతుందని ఆశగా ఎదురుచూసిన అభిమానులకు నిరాశే మిగిలింది. 2019లో మంచి ఫేమ్ అండ్ నేమ్ పొందిన వెబ్ సిరీస్ లలో ఫ్యామిలీ మ్యాన్ ఒకటి. ఆ టైంలోనే మేకర్స్ పార్ట్-2 కూడా వస్తుందని తెలిపారు. తర్వాత ఫ్యామిలీ మ్యాన్ 2 మొదలైంది. ఆఖరికి విడుదలకు కూడా సిద్ధమైంది ఈ మోస్ట్ అవెయిటింగ్ వెబ్ సిరీస్. నిజానికి ఫిబ్రవరిలో రిలీజ్ కావాల్సింది.

కాని మేకర్స్ మళ్లీ విడుదల తేదీని వాయిదా వేశారు. ప్రస్తుతం వాతావరణం చూస్తుంటే ఈ నెలలోనే ఫ్యామిలీ మ్యాన్ 2 ప్రేక్షకుల ముందుకు రాబోతున్నట్లు అనిపిస్తుంది. అలాగే సమంత నటిస్తుంది కాబట్టి ఈసారి ఫ్యామిలీ మ్యాన్ తెలుగు భాషలో కూడా అందుబాటులోకి రాబోతుంది. ఈ సిరీస్ లో మనోజ్ బాజ్‌పేయి ఎన్‌ఐఏ ఏజెంట్ శ్రీకాంత్ తివారీగా నటించగా.. ఆయనకు వ్యతిరేకంగా సమంత ఉగ్రవాదిగా కనిపించనున్నట్లు సమాచారం. ఇప్పటికే టీజర్ తో మేకర్స్ భారీ అంచనాలను క్రియేట్ చేశారు. ఇందులో సమంత రాజీ అనే పాత్రలో కనిపించనుంది. ఇటీవల తాండవ్, మీర్జాపూర్ వెబ్ సిరీసులు వివాదాలతో సుప్రీమ్ కోర్టు వరకు వెళ్లాయి. ఈ సిరీస్ పూర్తిగా నిలిపేయాలని భావించినట్లు వార్తలొచ్చాయి. కానీ తాజాగా మనోజ్, సమంతలు అవన్నీ పుకార్లని కొట్టిపారేశారు. అమెజాన్ ప్రైమ్ లో విడుదల కాబోతున్న ఫ్యామిలీ మ్యాన్ సిరీస్ కు రాజ్ అండ్ డీకే దర్శకత్వం వహించారు.