ప్రయాణించే స్టార్లకు అదొక ప్రాబ్లమే

ఇప్పుడు మరోసారి హాలిడే సీజన్ వచ్చేసింది. ఈ సోమవారం హోళీ పండుగ సందర్భంగా సెలవు ఉంది కాబట్టి.. చక్కగా శని-ఆది-సోమ వారాల్లో చాలామంది జనులు టూర్లకు చెక్కేస్తున్నారు. అయితే ఇప్పుడు విమానాయానం చేసే సెలబ్రిటీల గురంచి ఒక ఇంట్రెస్టింగ్ విషయం చెప్పాలి. మామూలుగా పెద్ద పెద్ద స్టార్లు అయితే ఫస్ట్ క్లాస్ విభాగం ఉన్న విమాన సర్వీసులనే ఉపయోగించుకుంటే.. తక్కిన వారు మాత్రం ఆర్డినరీ ఎకానమీ క్లాసులోనే పయనించాలి. ఇక్కడే ఒక విషయం నోటీస్ చేయొచ్చు.

కొందరు సెలబ్రిటీలకు ఫస్ట్ క్లాస్ లో ప్రయాణించే టైమ్ అండ్ మనీ లేకపోయినా.. ఫేం మాత్రం ఎక్కువగా ఉంటుంది. అటువంటి వారు సీట్లో కూర్చున్నప్పుడు.. తోటి పాసింజర్లు ఎక్కువగా మాట్లాడే ప్రయత్నం చేస్తారు. ప్రయాణం సజావుగా సాగదు. దానితో ఈ సెలబ్రిటీలకు కాస్త రెస్ట్ తీసుకుందాం అన్నా కుదరదు. చాలా ఇబ్బందిగా ఉంటుంది. ఇక ఢిల్లీ వంటి డెస్టినేషన్లకు ప్రయాణం చేస్తున్నప్పుడు.. పక్కనందరూ హిందీ మాట్లాడే నార్త్ ఇండియాన్ ప్రయాణికులే ఉంటారు. వారికి తెలుగు రాదు.. అలాగే తెలుగు సినిమాలను కూడా అరుదుగా చూస్తారు. దానిలోనూ చిన్నస్థాయి నటీనటులను గుర్తుపట్టలేరు. అలాంటి వారు ప్రక్కనే కూర్చున్నప్పుడు.. అసలు వీళ్ళు మనల్ని గుర్తుపట్టి పలకరించట్లేదేంటి అంటూ కొందరు స్టార్లు ఫీలైపోతుంటారు. సో.. ఎక్కువగా ఎవరన్నా మాట్లాడించినా ప్రాబ్లమే.. అసలు ఎవరూ మాట్లాడించకపోయినా ప్రాబ్లమే.

ఇటువంటి ప్రాబ్లమ్ అనేది లేదంటే మాత్రం.. ఖచ్చితంగా వారు తమ ఇమేజ్ తాలూకు హైప్ ను బాగానే హ్యాండిల్ చేస్తున్నట్లు. అది సంగతి.

Like Us on Facebook : https://www.facebook.com/Tupakidotcom/