గేమ్ ఛేంజ్ చేయాలంటే పార్టీలు స‌రిపోవు!

అందానికి అందం.. న‌ట ప్ర‌తిభ ఉన్న నాయిక మాళ‌విక మోహ‌న‌న్. ప్ర‌ఖ్యాత సినిమాటోగ్రాఫ‌ర్ మోహ‌న‌న్ వార‌సురాలిగా సినీరంగ ప్ర‌వేశం చేసిన ఈ బ్యూటీ ఆరంభ‌మే వ‌రుస‌గా స్టార్ హీరోల స‌ర‌స‌న అవ‌కాశాలు అందుకుంది. అన్నీ కుదిరితే ఈపాటికే టాలీవుడ్ ఎంట్రీ ఇవ్వాల్సి ఉంది. కానీ ల‌క్ త‌న‌కు క‌లిసి రాలేదు. ఇక్క‌డ స్టార్ హీరోల స‌ర‌స‌న అవ‌కాశాలు అందుకోవాల‌ని క‌ల‌లు గ‌న్నా ఛాన్సులు అయితే వ‌రించ‌లేదు.

అదే క్ర‌మంలో మాళ‌విక హిందీ చిత్ర‌సీమ‌లో అవ‌కాశాల కోసం వెతుకుతోంది. ప్ర‌స్తుతం అక్క‌డ యుద్ర అనే మూవీలో న‌టిస్తోంది. ఇంత‌లోనే మాళ‌విక 29 ఏజ్ లో అడుగుపెడుతోంది. ఈ సంద‌ర్భంగా సోషల్ మీడియా ఖాతాలలో అన్ని వైపుల నుండి పుట్టినరోజు శుభాకాంక్షలు వెల్లువెత్తాయి. అలాగే బాలీవుడ్ స‌హా ఇత‌ర ప‌రిశ్ర‌మ‌ల్లో స‌న్నిహితుల‌కు నిన్న రాత్రి పార్టీని ఇచ్చింది. పుట్టినరోజు పార్టీకి సంబంధించిన ఫోటోలను పోస్ట్ చేసింది. ఈ ఫోటోలలో థై స్లిట్ డ్రెస్ లో మాళ‌విక హాట్ గా క‌నిపించింది. పార్టీలో అనురాగ్ క‌శ్య‌ప్.. యువ‌హీరో కార్తిక్ ఆర్యన్ - రాపర్ బాద్షా- మక్కల్ సెల్వన్ విజయ్ సేతుపతి- ఆదిత్య మోహనన్ త‌దితరులు ఉన్నారు. ప్రేమ‌గా పుట్టినరోజు శుభాకాంక్షలు చెప్పిన‌వారికి .. దీనిని చాలా ప్రత్యేకంగా చేసిన .. నన్ను ప్రేమించి అనుభూతిని కలిగించిన ప్రతి ఒక్కరికీ మాత్రమే నా ప్రేమ.. అంటూ మాళ‌విక వ్యాఖ్య‌ను జోడించింది.

మాళవిక మోహనన్ .. ఇండ‌స్ట్రీ హాటెస్ట్ గాళ్ గా యూత్ గుండెల్లో కొలువుంది. మలయాళం - తమిళ ప‌రిశ్ర‌మ‌ల్లో క‌థానాయిక‌గా కొన‌సాగుతున్న ఈ బ్యూటీ హిందీ చిత్ర‌సీమ‌లో స‌త్తా చాట‌డ‌మే ధ్యేయంగా పావులు క‌దుపుతోంది. 2013లో మలయాళ చిత్రం `పట్టం పోల్‌`తో మాళ‌విక తెర‌కు ప‌రిచ‌య‌మైన మాళ‌విక‌ అనంత‌రం ఇండస్ట్రీలోని హాటెస్ట్ స్టార్ గా ఓ వెలుగు వెలిగింది. త‌ర్వాత త‌మిళంలో స్థిర‌ప‌డింది. ఇక మాళ‌విక సోష‌ల్ మీడియాల్లో ఇత‌ర నాయిక‌ల‌కంటే కాస్త స్పీడ్ గానే ఉంది. తన ఇన్ స్టాగ్రామ్ ను నిరంత‌రం అద్భుతమైన చిత్రాలతో అప్ డేట్ చేస్తుంది ఈ బ్యూటీ.

కెరీర్ మ్యాట‌ర్ కి వ‌స్తే.. ఇటీవ‌ల‌ ప్రముఖ రాపర్ బాద్షా... ప్లేబ్యాక్ సింగర్ పాయల్ దేవ్ లతో ఉన్న `తౌబా` మ్యూజిక్ వీడియో విడుద‌లై ఆక‌ట్టుకుంది. ఈ వీడియోలో మాళ‌విక హాట్ లుక్స్ యూత్ ని క‌వ్వించాయి. అప్నీ ధున్ - వార్నర్ మ్యూజిక్ ఇండియా ఈ మ్యూజిక్ వీడియోను రూపొందించారు. మాళ‌విక కొత్త ప్ర‌య‌త్నమిది. అలాగే యుద్ర అనే మూవీలోనూ మాళ‌విక న‌టిస్తోంది.