ప్ర‌పంచంలోనే అత్యంత సెక్సీయెస్ట్ స్టార్

ప్ర‌తియేటా పాపుల‌ర్ పీపుల్స్ మ్యాగ‌జైన్ 'సెక్సీయెస్ట్' అనే టాపిక్ పై ప్ర‌త్యేకించి స‌ర్వేలు చేస్తుంటుంద‌న్న సంగ‌తి తెలిసిందే. ఈసారి ప్ర‌ముఖ హాలీవుడ్ స్టార్ ని ఈ పుర‌స్కారానికి ఎంపిక చేసింది. 'కెప్టెన్ అమెరికా' స్టార్ క్రిస్ ఎవాన్స్ కి 2022 సంవ‌త్స‌రానికి గాను పీపుల్ మ్యాగజైన్ అత్యంత సెక్సీయెస్ట్ మ్యాన్ (అలైవ్) గా ప్ర‌క‌టించింది. తాజాగా మ్యాగజైన్ కి ఇచ్చిన ఇంటర్వ్యూలో ఎవాన్స్ మాట్లాడుతూ ''విన‌యంగా చెబుతున్నా.. విచిత్రమైన రూపంపై ఇలా గొప్ప‌లు చెప్పుకోవ‌డంలా ఉంది'' అంటూ ఫ‌న్ నోట్ తో చెప్పాడు.

ఏది ఏమైనా ఎవాన్స్ త‌న‌దైన అందం న‌ట‌న‌తో ప్ర‌పంచ‌వ్యాప్తంగా అభిమానుల మ‌న‌సుల‌ను దోచాడు. తన తల్లి లిసా ఎవాన్స్ తో త‌న‌కు ద‌క్కిన గౌరవం గురించి ఇమేజ్ గురించి షేర్ చేసుకునేందుకు ఎగ్జ‌యిటింగ్ గా ఉన్నాన‌ని తెలిపాడు. దీని గురించి నిజంగా గొప్పగా చెప్పుకుంటానని కూడా అన్నాడు.

పాపుల‌ర్ హాలీవుడ్ యాక్ష‌న్ స్టార్ డ్వేన్ జాన్సన్ తనతో ఈ టైటిల్ ను షేర్ చేస్కోవాల‌ని ఎవాన్స్ ను కోరారట‌. ఆ మేర‌కు ఈ విష‌యాన్ని 'ది లేట్ షో' కార్య‌క్ర‌మంలో కూడా ఎగ్జ‌యిటింగ్ గా ప్రకటించారు. టైటిల్ ను గెలుచుకున్న తర్వాత ఎవాన్స్ తో కలిసి డ్వేన్ జాన్సన్ నటించిన వీడియోను షో నిర్వాహ‌కులు ట్విట్టర్ లో షేర్ చేసారు. జాన్సన్ ఈ టైటిల్ లో భాగస్వామ్యానికి ఎలా అర్హుడనే విషయాన్ని ఎవాన్స్ చాలా ఫ‌న్ నోట్ తో వివరించాడు. తాను అతనితో టైటిల్ ను పంచుకోవడానికి అంగీకరించాన‌ని అన్నారు.

చర్చల్లో ఉండటం అదృష్టం మ్యాగజైన్ క‌థ‌నం ప్రకారం.. ఎవాన్స్ సెక్సీయెస్ట్ మ్యాన్ అలైవ్ టైటిల్ ను పొందడం గురించి మాట్లాడటం చాలా అసౌకర్యంగా ఉందని కూడా అన్నాడు. ఏ హోదాలోనైనా చర్చల్లో ఉండటం తన అదృష్టమని అన్నాడు. నేను వృద్ధాప్యంలోకి వెళ్లాక‌ కుంగుపాటుతో ఉన్న‌ప్పుడు ఈ టైటిల్ ను ప్రేమగా తిరిగి ప‌రిశీల‌న‌గా చూస్తానని చెప్పాడు. యువ‌త‌రానికి స్ఫూర్తి నింపే విష‌యాలు మాట్లాడుతూ... "విద్య(ఎడ్యుకేష‌న్‌)కు ప్లగ్ ఇద్దాం- అది డ్యామ్ సెక్సీ" అని కూడా వ్యాఖ్యానించాడు.

వివాహం గురించి ఎవాన్స్ ఏమ‌న్నారంటే... అమ్మా నాన్న‌తో మాట్లాడాను.. క‌చ్చితంగా పెళ్లి చేసుకోవాల్సిందేన‌ని చెప్పాడ‌ట‌. తన కెరీర్ లో ఆత్మవిశ్వాసంతో ఎదుగుతున్నాన‌ని ఇప్పుడు చిన్న‌పాటి విరామం తీసుకునే దశలో ఉన్నానని చెప్పాడు. పరిశ్రమకు దూరంగా ఉండటానికి నాకు కొంచెం ఎక్కువ స్వేచ్ఛ ఉందని నేను భావిస్తున్నాను. నేను తిరిగి వచ్చినప్పుడు నాలోని క్రియేటివిటీ ఆకలిని తీర్చగల ప్రాజెక్ట్ లను ఎంపిక చేస్తాను! అని ఎవాన్స్ చెప్పారు.

'ది గ్రే మ్యాన్'..'లైట్ ఇయర్‌' చిత్రాల‌తో ఈ సంవత్సరం అంతా గడిపిన ఎవాన్స్ కొన్ని ప్రాజెక్ట్ ల విడుదల ప్ర‌మోష‌న్స్ కోసం సిద్ధ‌మ‌వుతున్నారు. వాటిలో ఒకటి అమెజాన్ స్టూడియోస్ కోసం డ్వేన్ జాన్సన్ తో కలిసి నటించిన హాలిడే ఈవెంట్ ఫిల్మ్ 'రెడ్ వన్'. యాక్షన్-అడ్వెంచర్ కామెడీ నేప‌థ్యంలో రూపొందిన ఈ చిత్రం 2023లో విడుదల కానుంది. డాక్టర్ స్ట్రేంజ్ ఫేం స్కాట్ డెరిక్సన్ దర్శకత్వం వహించే 'స్కైడాన్స్- బెర్ముడా'లో కూడా నటించే అవకాశం ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.