ఆ ఆలోచనే లేదన్న బ్రహ్మానందం

గత కొన్ని రోజులుగా హాస్య బ్రహ్మ బ్రహ్మానందం బుల్లి తెరపై కనిపించేందుకు సిద్దం అవుతున్నాడని, ప్రముఖ ఎంటర్‌టైన్‌ మెంట్‌ చానెల్‌ లో ప్రసారం కాబోతున్న ఒక సీరియల్‌ లో బ్రహ్మానందం నటించేందుకు ఒప్పుకున్నాడు. త్వరలోనే ఆ సీరియల్‌ కు సంబంధించిన షూటింగ్‌ లో పాల్గొనబోతున్నట్లుగా వార్తలు వచ్చాయి. బ్రహ్మానందం బుల్లి తెరపై కనిపించడం ఏంటీ అంటూ చాలా మంది అనుమానాలు వ్యక్తం చేయగా, కొందరు మాత్రం బ్రహ్మానందంను బుల్లి తెరపై చూడబోతున్నందుకు చాలా సంతోషం వ్యక్తం చేశారు. తాజాగా మీడియాలో వస్తున్న వార్తలపై బ్రహ్మానందం ప్రముఖ దిన పత్రికతో మాట్లాడుతూ స్పందించాడు.

బ్రహ్మానందం మాట్లాడుతూ... ఆ వార్తలు ఎలా వచ్చాయో నాకు తెలియదు. అసలు నేను అనని మాటలను ఊహించుకుని ఎలా ప్రచారం చేశారో నాకు అర్థం కావడం లేదు. ఎవరో కావాలని ఇలాంటి పుకారు ను పుట్టించారు. చాలా మంది ఫోన్లు చేసి అడుగుతున్నారు. సమాధానం చెప్ప లేక పోతున్నాను. నేను ఇంటి నుండి బయటకు వెళ్లి మూడున్నర నెలలు అయ్యింది. ఇంట్లో చాలా సురక్షితం గా ఉన్నాను. ముందు ముందు కూడా బయట కు వెళ్లాలనుకోవడం లేదు.

ఈ ఖాళీ సమయం లో నేను బుక్స్‌ చదవడం చేస్తున్నాను. బొమ్మలు కూడా వేస్తూ సమయంను గడుపుతున్నాను. అంతే తప్ప బుల్లి తెరపై నటించేందుకు ఒప్పుకోలేదు అంటూ క్లారిటీ ఇచ్చాడు. మా మనవడితో ఆటలతో చాలా సరదగా సమయం గడిచిపోతుందని అన్నాడు. బ్రహ్మీ క్లారిటీతో బుల్లి తెర ప్రేక్షకులు కాస్త నిరాశకు లోనవుతున్నారు.