పాన్ ఇండియా మూవీలో స్టార్ కమెడియన్!

డాషింగ్ డైరెక్టర్ పూరీ జగన్నాథ్ సినిమాలలో కామెడీ ఎలా ఉంటుందో అందరికి తెలిసిందే. డైలాగ్స్ యాక్షన్ లతో పాటు కామెడీ కూడా ప్రధానంగానే చూపిస్తాడు. అయితే ఇప్పడు లైగర్ అనే పాన్ ఇండియా సినిమా తీస్తున్న సంగతి విదితమే. యువహీరో విజయ్ దేవరకొండ కథానాయకుడుగా నటిస్తుండగా బాలీవుడ్ బ్యూటీ అనన్య పాండే హీరోయిన్ గా నటిస్తోంది. అయితే మొన్నటి వరకు టైటిల్ విషయంలో సస్పెన్స్ పెట్టిన డైరెక్టర్ ఇటీవలే లైగర్ అనే టైటిల్ తో ట్రీట్ ఇచ్చాడు. అంతేగాక ఈ సినిమాలో సునీల్ శెట్టి కూడా నటిస్తున్నట్లు ప్రకటించాడు పూరీ. ఏడాది కాలంగా సాగుతున్న ఈ సినిమా షూటింగ్ ఇటీవలే ప్రారంభించారు. కరోనా కారణంగా లాక్ డౌన్ అయ్యేవరకు బ్రేక్ తీసుకున్నారు.

అయితే తాజాగా మరో అప్డేట్ ఇచ్చాడు పూరీ. ఆయన తెరకేక్కించే ప్రతి సినిమాలో కమెడియన్స్ రెగ్యులర్ గా కంటిన్యూ అవుతుంటారు. వారిలో కమెడియన్ అలీ ఒకరు. పూరీ జగన్నాథ్ రూపొందించిన ఎక్కువ సినిమాలలో కనిపించేది అలీ ఒక్కడే. అలీ పూరీల సినీప్రయాణం ఇరవై ఏళ్ల పైనే అవుతోంది. అయితే లైగర్ సినిమాలో అలీ కోసం ఓ అద్భుతమైన కామెడీ రోల్ డిజైన్ చేసాడట పూరీ. తాజా సమాచారం ప్రకారం ఈ సినిమాలో అలీ ఇంతవరకు చూడని ఓ డిఫరెంట్ కామెడీని పండించబోతున్నట్లు తెలుస్తుంది. చూడాలి మరి అసలే ఈ మధ్య సరైన బ్రేక్ లేక స్లో అయిపోయాడు అలీ. మరి మరోసారి పోకిరి సినిమాలో బ్లాస్ట్ అయినటువంటి రేంజి రోల్ ఇస్తాడా లేదా తెలియాలి. ధర్మ ప్రొడక్షన్స్ అండ్ పూరీ కనెక్ట్స్ బ్యానర్స్ సంయుక్తంగా నిర్మిస్తున్న ఈ సినిమాకు హీరోయిన్ ఛార్మి సహానిర్మాతగా వ్యవహరిస్తోంది.