లైగర్ పనుల్లో బిజీగా స్టార్ డైరెక్టర్..!

టాలీవుడ్ డాషింగ్ డైరెక్టర్ పూరీ జగన్నాథ్ - రౌడీహీరో విజయ్ దేవరకొండ కాంబినేషన్ లో 'లైగర్' అనే స్పోర్ట్స్ డ్రామా ఫిల్మ్ తెరకెక్కుతున్న సంగతి తెలిసిందే. పాన్ ఇండియా సినిమాగా రూపొందుతున్న లైగర్ షూటింగ్ వీలైనంత త్వరగా పూర్తి చేయాలనే ఆలోచనలో ఉన్నట్లు తెలుస్తుంది. ఎందుకంటే ఇటీవలే శరవేగంగా షూటింగ్ జరుపుకుంటున్న లైగర్ సినిమాకు కరోనా మహమ్మారి సెకండ్ వేవ్ వణుకు పుట్టించడంతో.. షూటింగ్ నిలిపేసి ముంబై నుండి హైదరాబాద్ కు షిఫ్ట్ అయింది బృందం. స్పోర్ట్స్ డ్రామా కావడంతో పూరీ జగన్నాథ్ లైగర్ విషయంలో చాలా జాగ్రత్తలు తీసుకుంటున్నాడట. ఎందుకంటే చాలా ప్లాప్స్ తర్వాత ఇస్మార్ట్ శంకర్ లాంటి హిట్టు పడటంతో అదే సక్సెస్ లైగర్ తో కూడా కంటిన్యూ చేయాలనీ అనుకుంటున్నాడని టాక్.

అయితే హైదరాబాద్ లో షెడ్యూల్ ఎప్పుడు మొదలవుతుందో తెలియదు. కాబట్టి డైరెక్టర్ పూరీ టైం వృధా చేయకుండా లైగర్ పోస్ట్ ప్రొడక్షన్ పనులు ప్రారంభించినట్లు టాక్. ప్రస్తుతం హైదరాబాద్ లోని తన ఆఫీస్ లో పూరీ పోస్ట్ ప్రొడక్షన్ పనులతో పాటు షూటింగ్ పూర్తైన వరకు ఎడిటింగ్ కూడా కంప్లీట్ చేయనున్నాడట. మరోవైపు డబ్బింగ్ పనులు షురూ చేసాడట. మళ్లీ షూటింగ్ మొదలయ్యే లోపల ఈ పనులన్నీ ఫినిష్ చేసి నెక్స్ట్ షెడ్యూల్ ప్లాన్ చేస్తాడట. ఈ సినిమాతో బాలీవుడ్ కుర్రభామ అనన్యపాండే టాలీవుడ్ ఇండస్ట్రీలో అరంగేట్రం చేయనుంది. ఈ సినిమాను భారీ బడ్జెట్ తో పూరీ జగన్నాథ్, కరణ్ జోహార్ సంయుక్తంగా నిర్మిస్తున్నారు. చూడాలి మరి లైగర్ ఎప్పుడు నెక్స్ట్ షెడ్యూల్ ప్రారంభం చేయనుందో!