క్రైం బ్రాంచ్ పోలీసుల ముందు హాజరైన స్టార్ హీరో

తమిళ స్టార్ హీరో ఆర్య తాజాగా క్రైం బ్రాంచ్ పోలీసుల ముందు విచారణకు హాజరయ్యారు. తనను పెళ్లి చేసుకుంటానని నమ్మించి మోసం చేశాడని 'ఆర్య’పై శ్రీలంకకు చెందిన యువతి ఫిర్యాదు చేసింది. ఆమె దగ్గర నుంచి భారీ మొత్తంలో నగదు కూడా తీసుకున్నాడని ఆరోపించింది. శ్రీలంక యువతి ఆరోపణలు కోలీవుడ్ సినిమా సర్కిల్స్ లో హాట్ టాపిక్ గా మారాయి.

ఆర్యకు ఇంతకుముందే హీరోయిన్ సయేషా సైగల్ తో ప్రేమ వివాహమైంది. ప్రేమించి మరీ వీరిద్దరూ పెళ్లి చేసుకున్నారు. ఇటీవలే వీరికి ఒక పాప కూడా పుట్టింది. ఈ క్రమంలోనే శ్రీలంకకు చెందిన యువతి తనను ప్రేమించి పెళ్లి చేసుకుంటానని ఆర్య మోసం చేశాడని ఆరోపించింది.

పోలీసులు ఆర్యకు నోటీసులు పంపగా.. తాజాగా ఉదయం చెన్నై పోలీస్ కమిషనర్ ఆఫీసులో ఉదయం విచారణకు హీరో ఆర్య హాజరయ్యాడు.

నిజంగానే శ్రీలంక యువతిని ఆర్య మోసం చేశాడా? పెద్ద మొత్తంలో డబ్బు తీసుకున్నాడా? పోలీసుల విచారణలో ఆర్యం ఏం చెప్పాడన్నది ఉత్కంఠ రేపుతోంది.

ఆర్య తెలుగులోనూ పలుసినిమాలు చేశాడు. అల్లు అర్జున్ నటించిన 'వరుడు' సినిమాలో విలన్ గా చేసి ఆకట్టుకున్నాడు. 'రాజారాణి’, నేనే అంబానీ, వాడు వీడు, సార్పట్ట వంటి సినిమాలో ఫేమస్ అయ్యాడు.