ర‌షెష్ చూసి స్టార్ హీరో అసంతృప్తి?

టాలీవుడ్ లో ఇప్ప‌డు పాన్ ఇండియా స్థాయి ప్రాజెక్ట్ ల హ‌వా న‌డుస్తోంది. దేశ వ్యాప్తంగా ఈ త‌ర‌హా సినిమాల‌కు ఆద‌ర‌ణ పెరిగిన నేప‌థ్యంలో మ‌న స్టార్స్ చాలా వ‌ర‌కు ఈ త‌ర‌హా సినిమాల‌తో రావ‌డానికి రెడీ అవుతున్నారు. ఇటీవ‌ల ఐకాన్ స్టార్ అల్లు అర్జున్‌, ట్రిపుల్ ఆర్ తో రామ్ చ‌ర‌ణ్‌, యంగ్ టైగ‌ర్ ఎన్టీఆర్ పాన్ ఇండియా హీరోలుగా మారిపోయారు. ఇప్ప‌టికే ప్ర‌భాస్ టాలీవుడ్ నుంచి తొలి పాన్ ఇండియా స్టార్ గా అవ‌త‌రించ‌డంతో మిగ‌తా హీరోలు కూడా ఈ త‌ర‌హా చిత్రాల‌పై క‌న్నేశారు.

ఇదే వ‌రుస‌లో క్రేజీ స్టార్ గా భారీ ఫ్యాన్ ఫాలోయింగ్ ని సొంతం చేసుకున్న స్టార్ హీరో తొలిసారి పాన్ ఇండియా మూవీకి శ్రీ‌కారం చుట్టారు. త‌న‌కు బ్లాక్ బ‌స్ట‌ర్ హిట్ ని అందించిన నిర్మాత ఈ పాన్ ఇండియా మూవీని మ‌రో నిర్మాత‌తో క‌లిసి నిర్మిస్తున్నారు. కోవిడ్ , స‌ద‌రు స్టార్ హీరో ఇత‌ర క‌మిట్ మెంట్ ల కార‌ణంగా ఈ మూవీ ఆల‌స్యం అవుతూ వ‌స్తోంది. ఓ షెడ్యూల్ జ‌రిగితే మ‌రో షెడ్యూల్ కోసం నెల‌ల త‌రబ‌డి ఎదురుచూస్తూ ఈ మూవీ షూటింగ్ జ‌రుగుతోంది.

ఆగుతూ సాగుతున్న ఈ మూవీ కీల‌క ఘ‌ట్టాల షూటింగ్ ని ఇటీవ‌ల పూర్తి చేశారు. అయితే ఈ ర‌షెస్ చూసుకున్న స్టార్ హీరో తీవ్ర అసంతృప్తిని వ్య‌క్తం చేశార‌ట‌. పీరియాడిక్ నేప‌థ్యంలో సాగే ఈ సినిమా జ్ఞీరో పాత్ర‌ని తెర‌పై ఆవిష్క‌రించిన తీరు, త‌న పాత్ర‌ని చూపించిన తీరు గ‌తంలో వ‌చ్చిన ఓ డిజాస్ట‌ర్ మూవీలో ఓ స్టార్ హీరో పాత్ర‌ని గుర్తు చేసింద‌ట‌. ఈ సినిమా ఇలాగే విడుద‌లైతే త‌న‌ని కూడా అదే స్థాయిలో ఫ్యాన్స్ ట్రోల్ చేస్తార‌ని షాక‌య్యార‌ట‌. దీంతో ర‌షెస్ చూసుకున్న స్టార్ హీరో అవుట్ పుట్ పై తీవ్ర అసంతృప్తిని అస‌హ‌నాన్ని వ్య‌క్తం చేసిన‌ట్టుగా ప్ర‌చారం జ‌రుగుతోంది.

కాస్ట్యూమ్స్‌, సెట్స్ ప‌రంగానూ గ‌తంలో తీసిన వెర్ష‌న్‌, ఇప్ప‌డు చేసిన దానికి చాలా వ్య‌త్యాసం క‌నిపించ‌డంతో స‌ద‌రు స్టార్ హీరో ద‌ర్శ‌కుడిపై అసంతృప్తిని వ్య‌క్తం చేశార‌ట‌. అంతే కాకుండా తాజా ప‌రిణామాల నేప‌థ్యంలో కొంత అస‌హ‌నానికి లోనైన స‌ద‌రు స్టార్ హీరో త్వ‌ర‌లో ప్రారంభం కానున్న టూ షెడ్యూల్స్ ని కూడా క్యాన్సిల్ చేసి షాకిచ్చిన‌ట్టుగా వార్త‌లు వినిపిస్తున్నాయి.  

అంతే కాకుండా అసంతృప్తిక‌రంగా వ‌చ్చిన ర‌షెస్ ని ప‌క్క‌న పెట్టి మ‌ళ్లీ ఆ సీన్ ల‌న్నింటినీ రీ షూట్ చేయాల‌నే ఆలోచ‌న‌లో స్టార్ హీరో వున్న‌ట్టుగా సోష‌ల్ మీడియాలో ప్ర‌చారం జ‌రుగుతోంది. రీ షూట్ ల కార‌ణంగా ఈ మూవీ రిలీజ్ మ‌రింత ఆల‌స్యం అయ్యే అవ‌కాశ‌లే ఎక్కువ‌గా క‌నిపిస్తున్నాయని చెబుతున్నారు.

ముందు అనేక రిలీజ్ డేట్ లు మారిన ఈ మూవీని ద‌స‌రాకు రిలీజ్ చేయాల‌నుకున్నారు. తాజాగా రీ షూట్ లు చేయాల‌ని నిర్ణ‌యించుకోవ‌డంతో ఈ భారీ పాన్ ఇండియా మూవీ ఈ ఏడాది థియేట‌ర్ల‌లోకి రావ‌డం క‌ష్ట‌మే అంటున్నారు.