బ్యాక్ టు బ్యాక్ రిలీజ్ ల‌తో స్టార్ హీరో డ‌బుల్ ధ‌మాకా

ధ‌నుష్ న‌టించిన ‘జగామే తంతిరమ్’ (జ‌గ‌మే తంత్రం) OTT విడుదల తేదీపై ర‌క‌ర‌కాల ఊహాగానాలు సాగుతున్నాయి. కార్తీక్ సుబ్బరాజు దర్శకత్వం వహించిన ఈ మూవీ నెట్ ‌ఫ్లిక్స్ లో విడుదల కానుండ‌గా.. అధికారిక విడుదల తేదీని ప్ర‌క‌టించాల్సి ఉంది.

సంక్రాంతి బ‌రిలో ‘మాస్టర్’ .. ‘క్రాక్’ బాక్సాఫీస్ వద్ద విజయాన్ని సాధించాయి. ఈ బ్లాక్ బస్టర్లు రెండూ OTT విడుదలను త్వరగా కుదిరింది. ఇది నిర్ణయాత్మక చర్య. ‘మాస్టర్’ అమెజాన్ ప్రైమ్ వీడియోలో విడుదలై OTT లోనూ విజయాన్ని రుచి చూస్తోంది. ‘క్రాక్’ 2021 ఫిబ్రవరి 5 న ఆహా వీడియోలో విడుదలవుతుంది. అయితే జగమే తంతిరం పూర్తిగా ఓటీటీ రిలీజ్ నే దృష్టిలో ఉంచుకోవ‌డం చ‌ర్చ‌నీయాంశ‌మైంది.

ఈ చిత్రంలో ధనుష్ ఆసక్తికరమైన పాత్రలో నటించగా.. ఐశ్వర్య లెక్ష్మి .... హాలీవుడ్ నటుడు జేమ్స్ కాస్మో ఇత‌ర ప్ర‌ధాన పాత్ర‌లు పోషిస్తున్నారు. జగమే తంతిరంను వై నాట్ ప్రొడక్షన్స్ సంస్థ‌ విడుదల చేయ‌నుంది. ఇది నిజానికి దీపావళి 2020 కి విడుదల కావాల్సి ఉన్నా కోవిడ్ -19 మహమ్మారి వ‌ల్ల వాయిదా ప‌డింది.

ఆ క్ర‌మంలోనే ప్రత్యక్ష OTT విడుదలకు నిర్ణ‌యించుకున్నారు. తాజా నివేదికల ప్రకారం... అమెజాన్ ప్రైమ్ వీడియోలో ‘మాస్టర్’ విజయాన్ని చూసిన తర్వాత నెట్ ‌ఫ్లిక్స్ మ‌రింత ముందుగా విడుద‌ల చేసే యోచ‌న‌లో ఉందిట‌. జగమే తంతిరం నెట్ ఫ్లిక్స్‌లో విడుదల కానుండగా.. ధనుష్ తదుపరి చిత్రం ‘కర్ణన్’ ఏప్రిల్ 2021 లో థియేట్రికల్ రిలీజ్ కోసం సిద్ధ‌మ‌వుతోంది.