చెర్రీ-ఎన్టీఆర్ మ‌ల్టీస్టార‌ర్లోకి మ‌రో హీరో

ఇద్ద‌రు యంగ్ - ఎన‌ర్టిటిక్ - పాపుల‌ర్ హీరోలిద్ద‌రి కాంబినేష‌న్‌లో సినిమా వ‌స్తుందంటే... ఆ సినిమా గురించి ఎదురు చూసే అభిమానులు ల‌క్ష‌ల్లో ఉంటారు. అందులోనూ మెగా హీరో చ‌ర‌ణ్‌ - నంద‌మూరి వారి హీరో ఎన్టీఆర్ లిద్ద‌రూ క‌లిసి న‌టిస్తుంటారంటే... ఇక క్రేజ్ పీక్స్‌లో ఉంటుంది. ఇక వారిద్ద‌రి సినిమాను తీస్తున్న‌ది రాజ‌మౌళి లాంటి డైరెక్ట‌ర్ అయితే ఇంకేం చెప్ప‌క్క‌ర్లేదు...తెర‌మీద చూడాల్సిందే ఆ మాయ‌. ప‌వ‌ర్ ఫుల్ హీరోలు ఉన్నారంటే.. వారికి త‌గ్గ‌ట్లు విల‌న్ కూడా ఉండాల్సిందే కదా. ఇప్ప‌డదే చెర్రీ-ఎన్టీఆర్ మ‌ల్టీస్టార‌ర్ సినిమా గురించి లేటెస్ట్ టాక్‌.

బాహుబ‌లికి క‌థ‌ను అందించిన జ‌క్క‌న్న తండ్రి విజ‌యేంద్ర ప్ర‌సాద్ ఈ సినిమాకు కూడా క‌థ‌ను అందిస్తున్నారు. తాజా స‌మాచారం ప్రకారం సినిమా స్ర్కిప్ట్ సిద్ధం అయిపోయింది. షూటింగే త‌రువాయి. ఇందులో హీరోలు ఎప్పుడో సెట్ అయ్యారు కానీ... మ‌రో ముఖ్య పాత్ర అయిన విల‌న్ మాత్రం ఇంకా ఖ‌రారు కాలేదు. ఇప్పుడు ఆ విల‌న్ పాత్ర‌కు ఒక హీరోనే సంప్ర‌దిస్తున్న‌ట్టు స‌మాచారం. అత‌నైతే తాము అనుకున్న క్యారెక్ట‌ర్‌ కు న్యాయం చేస్తాడ‌ని ఫీల‌వుతున్నార‌ట తండ్రీ కొడుకులు. జ‌క్క‌న్న‌ అండ్ విజేయంద్ర‌ప్ర‌సాద్ ఇప్పుడు విల‌న్ క్యారెక్ట‌ర్ ఎంపిక‌లోనే బిజీగా ఉన్నార‌ట‌.

బాహుబలి సినిమాతో తెలుగు సినిమాను అంత‌ర్జాతీయ స్థాయికి తీసుకెళ్లాడు జ‌క్క‌న్న‌. ఇప్పుడు యంగ్ పాపుల‌ర్ హీరోలతో మ‌ల్టీస్టార‌ర్ తీయ‌డానికి సిద్ధ‌మైపోయాడు. ఈ సినిమాలో ఇంకా హీరోయిన్లు కూడా ఎంపిక కావాల్సి ఉంది. ఎవ‌రు ఆ ఛాన్స్‌ను ద‌క్కించుకుంటారో చూడాలి.