స్టార్ హీరో మేనల్లుడికి చుక్కలు చూపిస్తున్న హీరోయిన్..!

టాలీవుడ్ స్టార్ హీరో ఒకరు తన మేనల్లుడుని హీరోగా లాంచింగ్ చేస్తున్నాడు. ఈ ప్రాజెక్టుకు స్వయానా డెబ్యూ హీరో పేరెంట్స్ నిర్మాతలుగా వ్యవహరిస్తున్నారు. అప్పుడెప్పుడో ప్రారంభమైన ఈ సినిమా ఇంకా షూటింగ్ దశలోనే ఉంది. కోవిడ్ నేపథ్యంలో కొన్నాళ్ళు బ్రేక్ పడినప్పటికీ.. ఆ మధ్య తిరిగి సినిమా షూటింగ్ స్టార్ట్ చేశారని అన్నారు. నిన్న మొన్న మొదలుపెట్టిన సినిమాలు కూడా రిలీజ్ కి రెడీ అవుతుంటే.. ఓ పెద్ద ఫ్యామిలీ నుంచి వస్తున్న హీరో సినిమా ఇంకా పూర్తకవకపోవడం సినీ వర్గాల్లో చర్చనీయాంశంగా మారింది. ఈ నేపథ్యంలో సినిమా లేట్ అవడానికి ప్రధాన కారణం ఇందులో నటిస్తున్న హీరోయిన్ అని అంటున్నారు.

బాలీవుడ్ లో హీరోయిన్ గా ఎంట్రీ ఇచ్చిన ఓ బ్యూటీ.. ఆ సినిమా ప్లాప్ అవడంతో టాలీవుడ్ లో లక్ టెస్ట్ చేసుకుంది. తెలుగులో ఆమె చేసిన మొదటి రెండు సినిమాలు పెద్దగా ఆడకపోయినా తన అందచందాలు ఆడియన్స్ ని బాగానే ఆకట్టుకున్నాయి. ఈ క్రమంలో ఓ స్టార్ డైరెక్టర్ చేతిలో పడిన ఈ ముద్దుగుమ్మ ఒక్క హిట్ తో క్రేజీ హీరోయిన్ గా మారిపోయింది. దీంతో తెలుగు తమిళ భాషల్లో ఆఫర్స్ అందుకుంటున్న ఈ బ్యూటీ మంచి పారితోషికం అందడంతో డెబ్యూ హీరో పక్కన నటించడానికి ఒప్పుకుంది. అయితే మేకర్స్ అడిగిన డేట్స్ ఇవ్వకుండా.. డేట్స్ ఇచ్చినా షూటింగుకి సమయానికి రాకుండా చుక్కలు చూపించిందట. అందులోనూ ఈ మధ్య ఓ స్టార్ హీరోకి జోడీగా నటించే చాన్స్ దక్కడంతో ఫస్ట్ ప్రిఫరెన్స్ ఆ మూవీకే ఇస్తోందట. దీని కారణంగానే స్టార్ హీరో అల్లుడి డెబ్యూ మూవీ ఇంకాస్త లేట్ అవుతూ వస్తోందని ఫిలిం సర్కిల్స్ లో టాక్ వినిపిస్తోంది.