నెట్టింట హల్చల్ చేస్తున్న స్టార్ హీరో త్రోబ్యాక్ పిక్!

కోలీవుడ్ సినీహీరో కార్తీ గురించి ప్రత్యేకంగా చెప్పే అవసరం లేదు. తన సినిమాలతోనే తెలుగు ప్రేక్షకులకు బాగా దగ్గరయ్యాడు. కార్తీ నటించే సినిమాలన్నీ తెలుగులోకి డబ్ వెర్షన్ లో విడుదల అవుతుంటాయి. తమిళంతో పాటు తెలుగులో ఫేమ్ తెచ్చుకున్న కార్తీ ఫస్ట్ మూవీ యుగానికి ఒక్కడు నుండి ఇటీవలి ఖైదీ వరకు అన్నీ తెలుగులో విడుదల అవుతూనే ఉన్నాయి.

చివరి సినిమా ఖైదీతో వంద కోట్ల క్లబ్ లో చేరాడు కార్తీ. ఆ సినిమాను దర్శకుడు లోకేష్ కనగరాజ్ తెరకెక్కించాడు. డ్రీమ్‌ వారియర్‌ పిక్చర్స్‌ పతాకంపై ఎలాంటి కమర్షియల్ హంగులు లేకుండా విడుదలైన ఖైదీ 2019లో దీపావళి కానుకగా విడుదలై మంచి విజయం దక్కించుకుంది. తమిళంతో పాటు తెలుగు ప్రేక్షకులను కూడా విపరీతంగా ఆకట్టుకుంది ఈ సినిమా. ఇక వసూళ్లపరంగా కూడా ఖైదీ సినిమా రికార్డ్స్ క్రియేట్ చేసిన సంగతి తెలిసిందే.

ఈ మూవీ బాలీవుడ్ లో కూడా ఈ సినిమా రీమేక్ అవ్వనుంది. అజ‌య్ దేవ‌గ‌న్ ప్ర‌ధాన పాత్ర‌లో నటించనున్నాడు. ఇదిలా ఉండగా.. ఈ సినిమాకు సీక్వెల్ ఉంటుందని కార్తీ ఎప్పుడో ప్రకటించిన సంగతి తెలిసిందే. ప్రస్తుతం కార్తీ నటిస్తున్న కొత్త సినిమా సుల్తాన్. ఇటీవలే ఈ సినిమా టీజర్ విడుదలై సోషల్ మీడియాలో మంచి బజ్ క్రియేట్ చేస్తోంది. తాజాగా కార్తీ స్కూల్, కాలేజీ రోజులను గుర్తు చేసుకున్నాడు. ఎలాగంటే తన కాలేజీ టైంలో దిగిన ఫోటో సోషల్ మీడియాలో షేర్ చేసాడు.

ఆ ఫోటోలో కార్తీ కాలేజీ బస్సులో ఎంతో యవ్వనంగా కనిపిస్తున్నాడు. చెన్నైలోని బీఎస్‌పీపీ స్కూల్‌లో స్కూలింగ్, క్రెసెంట్ ఇంజనీరింగ్ కాలేజీలో మెకానికల్ ఇంజనీరింగ్ పూర్తి చేశాడట. కాలేజీ రోజుల్లో బస్సులోనే కాలేజీకి వెళ్లే కార్తీ.. వారిలో కలిసి బాగా ఎంజాయ్ చేసేవాడట. చెన్నైలో పల్లవన్ తనకు అత్యంత నమ్మకస్తుడైన స్నేహితుడని.. కాలేజీ రోజుల్లో ఎక్కువగా ఆ బస్సులోనే గడిపానని తెలిపాడు. కార్తీ పోస్ట్ చేసిన ఆ ఫోటో ప్రస్తుతం నెట్టింట అభిమానులను విశేషంగా ఆకట్టుకుంటుంది.