టాలీవుడ్ 'రియల్' స్టార్లు పెరుగుతున్నారు

టాలీవుడ్ నటుల్లో చాలామందికి రియల్ ఎస్టేట్ వ్యాపారాలతో సంబంధాలు ఉన్నాయి. ఇప్పటివరకూ స్టార్స్ ఎవరూ నేరుగా రియాల్టీ బిజినెస్ స్టార్ట్ చేయకపోయినా.. చాలామంది వేరే వాళ్ల పార్ట్నర్ షిప్ తో నడిపించేస్తున్నారు. పైగా తెలుగు రాష్ట్రాల్లో ఈ వ్యాపారం మరీ జోరుగా ఉండడంతో.. రియల్ వ్యాపారంపై మోజు కూడా పెరుగుతోంది. ఇప్పటివరకూ ఇదంతా తెర వెనుకే జరిగినా.. తొలిసారిగా మహేష్ బాబు ఓ రియాల్టీ సంస్థతో జత కట్టిన స్టార్ గా నిలిచాడు.

రీసెంట్ గా ఓ రియాల్టీ కంపెనీతో ఒప్పందం చేసుకునేందుకుగాను గుంటూరు జిల్లాకు వెళ్లాడు సూపర్ స్టార్ మహేష్ బాబు. డీల్ కూడా ఫైనల్ అయిపోయింది. త్వరలో ఆ కంపెనీకి ప్రచారం కూడా మొదలుపెట్టనున్నాడు. నిజానికి రియాల్టీకి కంపెనీని ప్రమోట్ చేసే నటుల్లో అయితే.. మహేష్ మొదటివాడేం కాదు. ఇప్పటికే ఎస్ పీ బాలసుబ్రమణ్యం - కే.విశ్వనాథ్ - సిరివెన్నెల - సాయి కుమార్ అండ్ ఫ్యామిలీ - చంద్రబోస్ - సుహాసిని.. ఇలా చాలామందే రియల్ సంస్థకు ప్రచారం చేశారు.

ఇప్పుడు మహేష్ లాంటి అగ్రశ్రేణి స్టార్ హీరోలు కూడా రియల్ కంపెనీల ప్రచారానికి సై అనడంతో.. ఇకపై ఈ జోరు కొనసాగే అవకాశాలు ఉన్నాయని చెప్పచ్చు. అమరావతి సరౌండింగ్స్ లో వెలుస్తున్న వెంచర్ల ప్రమోషన్ కోసం.. స్టార్ హీరోలతో సంప్రదింపులు ఇప్పటికే జోరందుకున్నాయనే టాక్ వినిపిస్తోంది.