స్టార్ హీరోయిన్ అనుష్క నెక్స్ట్ మూవీ డైరెక్టర్.. అతనేనా??

స్టార్ హీరోయిన్ అనుష్కశెట్టి.. అంటే తెలియని సౌత్ ప్రేక్షకులు ఉండరు. ఇటు తెలుగుతో పాటు తమిళ, కన్నడ సినిమాలలో కూడా మెరిసింది. కానీ పూర్తిగా తెలుగులోనే స్థిరపడిపోయింది. మొదటి నుండి అందం, అభినయంతో తెలుగు ప్రేక్షకులను ఆకట్టుకుంటుంది స్వీటీ. తర్వాత మెల్లగా అవకాశాలు అందుకుంటూ స్టార్ హీరోయిన్ అయింది. కానీ బాహుబలి సినిమా తర్వాత అనుష్క కెరీర్ పూర్తిగా డౌన్ అయిపోయింది. బాహుబలి తర్వాత భాగమతి సినిమా చేసినా.. అది బాక్సాఫీస్ వద్ద పెద్దగా ఆకట్టుకోలేకపోయింది. అనుష్క స్టార్ హీరోయినే కావచ్చు.. కానీ ఎంతటి స్టార్ హీరోయిన్ అయినా ఒక ప్లాప్ పడేసరికి కిందికి పడిపోవాల్సిందే. కానీ కొందరు హీరోయిన్లు ఎలాంటి ఆలస్యం చేయకుండా హిట్ కొట్టి మళ్లీ తిరిగి తమ ఫామ్ కంటిన్యూ చేయడానికి ప్రయత్నిస్తారు.

భాగమతి ఫెయిల్యూర్ తో.. భారీ గ్యాప్ తీసుకున్న స్వీటీ సోలోగా భారీ హిట్టు కొట్టాలని విశ్వ ప్రయత్నాలు చేస్తుంది. కొన్నేళ్లుగా సౌత్ ఇండస్ట్రీలో కొత్తనీరు వచ్చి పాతనీరు కనబడకుండా పోతుంది. ఆ పాతలిస్టులో చేరుతోంది అనుష్క. బాహుబలితో ఓ రేంజ్ గుర్తింపు వచ్చిన తర్వాత మళ్లీ తక్కువ స్థాయి క్యారెక్టర్లు చేస్తే కెరీర్ క్లోస్ అవుతుందని.. మంచి క్యారెక్టర్ కోసం వెయిట్ చేస్తోంది స్వీటీ. ఇటీవల అనుష్క నటించిన నిశ్శబ్దం కూడా ఫెయిల్ అయింది. నిశ్శబ్దం సినిమాకు కూడా చాలా సమయం తీసుకుంది స్వీటీ. ఆ సినిమా తర్వాత ఎవరితో సినిమా చేయబోతుంది అనేది ఇంతవరకు చెప్పలేదు. కానీ ఇండస్ట్రీలో మాత్రం టాక్ నడుస్తూనే ఉంది. సందీప్ కిషన్ తో 'రారా కృష్ణయ్య' సినిమా తీసిన మహేష్.. అనుష్కకి ఒక స్క్రిప్ట్ వినిపించాడట. ఆ స్క్రిప్ట్ కూడా అనుష్కకు బాగా నచ్చిందని.. ఇక త్వరలో ఆఫీసియల్ వార్త బయటికి రానుందని సమాచారం. చూడాలి మరి స్వీటీ డేట్స్ ఎవరికి ఇవ్వనుందో..!!