ఆశల పల్లకిలో బుట్టబొమ్మ..!

టాలీవుడ్‌.. బాలీవుడ్‌.. కోలీవుడ్‌ ల్లో సినిమాలు చేస్తూ బిజీగా ఉన్న స్టార్‌ హీరోయిన్‌ పూజా హెగ్డే ఆశల పల్లకిలో ఉన్నట్లుగా తెలుస్తోంది. ప్రస్తుతం టాలీవుడ్‌ లో టాప్ స్టార్‌ హీరోయిన్ గా ఉన్నప్పటికి బాలీవుడ్ ఆశలు ఆమెలో కనిపిస్తున్నాయి. ఇప్పటికే బాలీవుడ్ లో పలు సినిమాల్లో నటించింది. అందులో బడా స్టార్ హీరోల సినిమా లు కూడా ఉన్నాయి. కాని కమర్షియల్‌ గా మాత్రం అవేవి సక్సెస్ అవ్వలేదు.

బాలీవుడ్‌ లో ఆఫర్లు అయితే వస్తున్నాయి కాని సక్సెస్ లు దక్కడం లేదని పూజా హెగ్డే ఒకింత ఆవేదనతో ఉంది. ఈ సమయంలో ఆమెకు వచ్చిన రెండు బడా బాలీవుడ్‌ ఆఫర్లతో ఆమె మళ్లీ ఆశల పల్లకి ఎక్కినట్లుగా ఉంది. ముఖ్యంగా సల్మాన్ ఖాన్‌ తో నటిస్తున్న కబీ ఈద్ కబీ దీవాళి సినిమా పై బుట్టబొమ్మ పూజా హెగ్డే చాలా హోప్స్‌ పెట్టుకుంది. బాలీవుడ్‌ స్టార్ హీరోయిన్స్ జాబితాలో ఆ సినిమా చేర్చుతుందనే నమ్మకం వ్యక్తం అవుతోంది.

హీరోయిన్‌ గా సౌత్ లో చాలా బిజీగా ఉన్నా కూడా ఉత్తర భారతంలో సక్సెస్‌ అవ్వాలనే తాపత్రయం ఆమెలో కనిపిస్తుంది. ఎక్కువగా ఉత్తరాది మీడియాతో ఇంట్రాక్ట్‌ అవ్వడం.. అక్కడి స్టార్స్ తో కలవడం చేస్తూ బాలీవుడ్‌ లో సెటిల్‌ అవ్వాలనే ప్రయత్నాలు చేస్తూ ఉంది. కబీ ఈద్‌ కబీ దీవాళి సినిమాకు ముందే ఈ అమ్మడు నటించిన హిందీ సినిమా సర్కస్ విడుదల కాబోతుంది.

రణవీర్ సింగ్‌ హీరోగా నటించిన సర్కస్ సినిమా ను ఈ ఏడాది డిసెంబర్ లో విడుదల చేయబోతున్నారు. ఫుల్ లెంగ్త్‌ కామెడీ ఎంటర్‌ టైనర్‌ గా రూపొందుతున్న సర్కస్ సినిమా పై కూడా పూజా హెగ్డే కు చాలా ఆశలు ఉన్నట్లుగా తెలుస్తోంది. గతంలో చేసిన సినిమాలతో పోల్చితే ఈ సినిమాల్లో ఆమె పాత్ర ప్రాముఖ్యత కూడా ఎక్కువగా ఉండటం వల్ల తప్పకుండా బాలీవుడ్ లో తన ముద్ర పడుతుందనే నమ్మకం వ్యక్తం అవుతోంది.

బాలీవుడ్‌ పై చాలా ఆశలు పెట్టున్న పూజా హెగ్డే మరో వైపు టాలీవుడ్ లో కూడా బడా స్టార్స్ సినిమాల్లో వరుసగా నటిస్తోంది. ఇప్పటికే మహేష్ బాబు.. త్రివిక్రమ్‌ కాంబో మూవీ లో కన్ఫర్మ్‌ అయ్యింది. త్వరలో ఆ సినిమా షూటింగ్‌ ప్రారంభం అవ్వబోతుంది. మరో వైపు కోలీవుడ్ లో కూడా ఈ అమ్మడి సినిమా ఒకటి చర్చల దశలో ఉందట.

సౌత్‌ లో ఎన్ని సినిమాలున్నా కూడా బాలీవుడ్ పైనే ఈ అమ్మడికి మోజు ఎక్కువగా ఉన్నట్లుంది. అందుకే అక్కడి సినిమాల విషయంలో ఆశల పల్లకిలో ఉంది.