టాలెంట్ మాత్రమే ఎక్కువకాలం ఉంచుతుంది: స్టార్ హీరోయిన్

సినీ ఇండస్ట్రీనే కాదు.. ఏ రంగంలో అయినా నెపోటిజమ్ అనేది కనిపిస్తూనే ఉంటుంది. ఎన్నేళ్ళైనా నెపోటిజమ్ అలాగే ఉంటుంది. అయితే అలాంటి నెపోటిజమ్ ఉన్నటువంటి వాతావరణంలో అసలు ఎలాంటి బాక్గ్రౌండ్ లేనివారు సక్సెస్ అవ్వాలంటే కొంచం కష్టంగానే ఉంటుంది. ముఖ్యంగా సినిమా రంగంలో ఎలాంటి కాంటాక్ట్స్ లేకుండా సొంత టాలెంట్ తో పైకి రావాలంటే ఎంతో కృషి చేయాల్సి ఉంటుంది. ఎందుకంటే సినిమా బాక్గ్రౌండ్ కలిగిన వారికీ ఇండస్ట్రీలో అవకాశాలు అనేవి ఎల్లప్పుడూ సిద్ధంగానే ఉంటాయి. కానీ ఎలాంటి బాక్గ్రౌండ్ లేకపోతే మాత్రం ఫస్ట్ స్టెప్ నుండి పాస్ అవ్వాల్సి ఉంటుంది.

అదే ఇండస్ట్రీలో సినిమా అవకాశాలు అనేవి అంత ఈజీగా రావు.. టాలెంట్ ఉంటేనే సాధ్యం అంటోంది స్టార్ హీరోయిన్ రకుల్ ప్రీత్ సింగ్. ఈ అమ్మడు దాదాపు ఏడేళ్లకు పైగా టాలీవుడ్ ఇండస్ట్రీలో హీరోయిన్ గా కొనసాగుతుంది. కానీ ఎన్నడూ లేనివిధంగా గత రెండేళ్లుగా తెలుగులో అవకాశాలు లేకుండా బాలీవుడ్ - తమిళంలో బిజీ అవుతోంది. మరి అందుకు తెలుగులో అవకాశాలు రాకపోవడానికి కారణం నెపోటిజమేనా.. అంటే కాదంటుంది అమ్మడు. అదెలా అంటే.. ఇండస్ట్రీలో ఎంత బంధుప్రీతి ఉన్నా సక్సెస్ అనేది ఊరికే రాదు. అలాగని బంధు పేరు చెప్పుకొనే ఎక్కువకాలం కంటిన్యూ అవ్వాలనుకుంటే మాత్రం కష్టమే అంటోంది.

ప్రస్తుతం ఫిల్మ్ బాక్గ్రౌండ్ లేనివారు సెటిల్ అవ్వడానికి చాలా సమయం పడుతుంది. అందులోను మేం కష్టపడినట్లుగా సినీఫ్యామిలీ హీరోలు హీరోయిన్స్ కష్టపడే అవసరం లేదు. మరి నెపోటిజమ్ ఉన్న ఇండస్ట్రీలో హార్డ్ వర్క్ ఒక్కటే ఆయుధం. కానీ ఎంతమంది స్టార్ కిడ్స్.. స్టార్ ఫ్యామిలీస్ నుండి వచ్చినప్పటికి ఫిల్మ్ ఇండస్ట్రీలో ప్రతిభకు మాత్రమే ఆస్కారం ఉంటుందని.. ఇండస్ట్రీలో కాంటాక్ట్స్ మాత్రమే కాదు టాలెంట్ ఉంటేనే ఎక్కువకాలం ఇండస్ట్రీలో ఉండగలం" అంటూ చెప్పుకోస్తుంది అమ్మడు. టాలెంట్ మాత్రమే నిలబడుతుందని ఉదాహరణకు బాలీవుడ్ హీరోయిన్ అనుష్కశర్మను చూపిస్తోంది రకుల్. ప్రస్తుతం రకుల్ హిందీ.. తమిళ సినిమాలతో బిజీగా ఉంది. హిందీలో బిజీ కారణంగానే తెలుగులో సినిమాలు చేయలేకపోతున్నట్లు తెలిపింది. ఇటీవలే క్రిష్ దర్శకత్వంలో ఓ సినిమా చేసింది. ఆ సినిమా రిలీజ్ కావాల్సి ఉంది.