పెద్ద స్టూడియో పిలిస్తే అంతడిగిందా?

ఏదైనా అన్ ఎక్స్ పెక్టెడ్ సంఘటన జరిగితే.. అప్పటివరకూ కాసింత నెమ్మదిగా వ్యక్తి అనూహ్యంగా ప్రవర్తిస్తే.. టైం బాబూ టైం అనుకుంటూ ఉంటాం. ఓ టాలీవుడ్ హీరోయిన్ గురించి ఇప్పుడు ఇండస్ట్రీ జనాలు ఇలాగే మాట్లాడుకుంటున్నారు.

తెలుగు ప్రేక్షకులు తెగ మెచ్చిన ఈ హీరోయిన్.. ఇప్పుడు లోకల్ పర్సన్ అయిపోయింది కూడా. ఇండస్ట్రీ పరంగాను.. సామాజిక సేవలోను తనకు చేతనైనంత సర్వీస్ చేయడంలో ఈమెకు బాగానే పేరు ఉంది. ప్రొఫెషనల్ ఎండార్స్ మెంట్స్ దగ్గర మాత్రమే మనీ మ్యాటర్స్ మాట్లాడుతుందని అంటారు. కానీ రీసెంట్ గా సినీ రంగానికే చెందిన ఓ ప్రముఖ సంస్థ.. మరో వెంచర్ ను స్టార్ట్ చేస్తూ.. ఈ హీరోయిన్ ను రిబ్బన్ కటింగ్ కు ఆహ్వానించారట. కానీ ఇందుకోసం ఈమె చాలా పెద్ద మొత్తమే కోట్ చేసిందని చెప్పుకుంటున్నారు. ఇంత పెద్ద మొత్తం అడుగుతుందని అసలే మాత్రం ఊహించని ఆ సంస్థ యాజమాన్యం షాక్ తినేసిందట.

అయితే.. స్వచ్ఛంద సేవ కూడా చేసే ఈ హీరోయిన్ మాత్రం.. తను చేసింది కరెక్టే అని భావిస్తోందట. సర్వీస్ ఓరియెంటెడ్ అయితే.. తాను ఉచితంగానే అటెండ్ అయేదాన్నని సన్నిహితులతో అంటోందట. ఆ స్టూడియో వాళ్లు వ్యాపారం కోసం కొత్త వెంచర్ మొదలుపెడుతున్నారు అంతే కదా.. అంటోందట ఆ స్టార్ హీరోయిన్. లాజిక్ విషయంలో ఈమెను కన్విన్స్ చేయడం చాలా కష్టం బాసూ!