స్టార్ వైఫ్ సోషల్ మీడియా ఎంట్రీ..!

కోలీవుడ్ స్టార్ హీరో అజిత్ కుమార్ వైఫ్ షాలిని సోషల్ మీడియా ఎంట్రీ ఇచ్చారు. చైల్డ్ ఆర్టిస్ట్ గా హీరోయిన్ గా ప్రేక్షకులకు సుపరిచితురాలే అయిన షాలిని అజిత్ తో మ్యారేజ్ తర్వాత సినిమాలకు దూరమయ్యారు.

పిల్లలు ఫ్యామిలీ వీటితోనే ఆమె బిజీ అయిపోయింది. అజిత్ లైఫ్ లోకి షాలిని వెళ్లాక ఆయన గ్రాఫ్ కూడా పెరుగుతూ వచ్చింది. స్టార్ హీరో వైఫ్ అంటే వారు సినిమాలకు టచ్ ఉన్నా లేకపోయినా సరే సోషల్ మీడియాలో సూపర్ క్రేజ్ తెచ్చుకుంటారు. ఇక అదే స్టార్ వైఫ్ ఒకప్పటి హీరోయిన్ అయితే ఆ క్రేజ్ వేరేలా ఉంటుంది.

ప్రస్తుతం షాలినికు అదే ఫాలోయింగ్ ఉంది. లేటెస్ట్ గా ఆమె సోషల్ మీడియాలోకి ఎంటర్ అయ్యింది. షాలినీ అజిత్ కుమార్ 2022(shaliniajithkumar2022) అని ఇన్ స్టాగ్రాం పేజ్ ఓపెన్ చేసింది. షాలిని ఇలా ఎకౌంట్ ఓపెన్ చేసి ఒక ఫోటో పెట్టిందో లేదో అలా వైరల్ గా మారింది.

అంతేకాదు గంటల కొద్దీ ఫాలోవర్స్ పెరుగుతూ వస్తున్నారు. షాలిని చేసింది ఒకే ఒక పోస్ట్ కాగా ఇప్పటికే ఆమె ఖాతాని 50 వేలకు పైగా ఫాలో చేస్తున్నారు. ఒక్కరోజులోనే ఫాలోవర్స్ లక్ష కౌంట్ దాటినా ఆశ్చర్యపోవాల్సిన అవసరం లేదు.

చైల్డ్ ఆర్టిస్ట్ గా.. హీరోయిన్ గా సినిమాలు చేసిన షాలిని ఇప్పుడు సినిమాలకు దూరంగా ఉంటున్నారు. కనీసం అజిత్ సినిమాల్లో అయినా ఆమె నటించాలని అనుకోవడం లేదు.

అయితే స్టార్ వైఫ్స్ అంతా కూడా ఇప్పుడు సోషల్ మీడియా లో హంగామా చేస్తున్నారు. వారికి తానేమి తక్కువ కాదనేలా షాలిని కూడా సోషల్ మీడియా ఎంట్రీ ఇచ్చింది. షాలిని తన ఫ్యామిలీ అప్డేట్స్ తో పాటుగా అజిత్ కు సంబందించిన విషయాలను కూడా సోషల్ మీడియాలో షేర్ చేసుకునే ఛాన్స్ ఉంది.

కోలీవుడ్ స్టార్ హీరోల్లో ఒకరైన అజిత్ తన సినిమాలతో తమిళ ఆడియన్స్ ని మెప్పిస్తున్నారు. అందరి హీరోలకన్నా అజిత్ సినిమాలు చాలా ప్రత్యేకంగా ఉంటాయి. ప్రస్తుతం అజిత్ వినోద్ డైరక్షన్ లో తునివు సినిమా చేస్తున్నాడు. ఈ మూవీ 2023 సంక్రాంతికి రిలీజ్ ఫిక్స్ చేశారు.